बार्शी (मल्लिकार्जून धारुरकर) : जिल्हा क्रिडा विभाग, जिल्हा व शहर वुशू असोसिएशन यांच्या संयुक्त विद्यमाने बार्शीतील सुलाखे इंग्लिश स्कूल येथे १७ ते १९ वयोगटातील जिल्हास्तरीय वुशू या क्रिडा स्पर्धा घेण्यात आल्या. या स्पर्धेचे उद्घाटन रविवारी दि.८ रोजी शारिरीक शास्त्र महाविद्यालयाचे प्रङ्कुख सुरेश लांडगे यांच्या हस्ते करण्यात आले. यावेळी सुलाखे संस्थेचे सचिव अनंत कवठाळे, वुशू संघटनेचे अध्यक्ष दादासाहेब साठे, सचिव दत्तात्रय जाधवर, क्रिडाधिकारी दत्ता सांगनुरे, प्रशिक्षक फुलचंद जावळे, स्पर्धेचे पंच प्रदिप हागरे, उमेश चव्हाण, सर्जेराव पोतलकर, समीर वायकुळे, सतिश पाचकुडवे आदी मान्यवर उपस्थित होते.या स्पर्धेत सोलापूर जिल्ह्यातील आठ संघांनी सहभाग नोंदविला. बाद पध्दतीने या स्पर्धा घेण्यात आल्या यामध्ये कर्मवीर बाबासाहेब पाटील विद्यालय, सदाशिवनगर अकलूजच्या संघाने यशस्वी कामगिरी करत प्रथम क्रमांकाचा बहुमान पटकावला. बार्शीतील सुलाखे इंग्लिश स्कूलच्या संघाने द्वितीय क्रमांक, तर वखारिया विद्यालय, उपळेदुमाला या संघास तृतीय क्रमांक प्राप्त झाला. या स्पर्धेची पारितोषिके स्नेअस फौंडेशनचे अध्यक्ष सुधीर गाढवे, पोलिस उपनिरीक्षक भोस, दत्तात्रय जाधवर, प्रशिक्षक ङ्खुलचंद जावळे, दलित महासंघाचे जिल्हाध्यक्ष सुनिल अवघडे यांच्या हस्ते देण्यात आले. स्पर्धा यशस्वीतेसाठी बप्पा सुतार, तात्यासाहेब ङ्कस्के, हाके सर यांनी विशेष प्रयत्न केले.
