मुंबई -: लोकसभा सार्वत्रिक निवडणूक 2014 च्या निवडणुकीचा कार्यक्रम भारत निवडणूक आयोगाने दिनांक 5 मार्च, 2014 रोजी घोषित केला आहे. त्यानुसार महाराष्ट्रातील 48 लोकसभा मतदार संघामध्ये दि. 10 एप्रिल, 17 एप्रिल व 24 एप्रिल या तीन टप्प्यांमध्ये निवडणूक घेतली जाईल. तसेच दि. 16 मे, 2014 रोजी या निवडणुकीची मतमोजणी होईल.
या निवडणुकीच्या मतदान/मतमोजणीचे वृत्तसंकलन/छायाचित्रण करण्याकरिता विविध प्रसिद्धी माध्यमांच्या प्रतिनिधींना भारत निवडणूक आयोगाची विहित प्राधिकारपत्रे प्रथम प्राप्त करुन घेणे आवश्यक आहे. अशी प्राधिकारपत्रे प्राप्त होण्याकरिता भारत निवडणूक आयोगाने विहित केलेल्या निकषांची पूर्तता करणाऱ्या इच्छुक प्रतिनिधींच्या नावांच्या शिफारशी भारत निवडणूक आयोगाकडे पोहचण्याचा अंतिम दि. 21 मार्च, 2014 असा आहे. या शिफारशी महासंचालक, माहिती व जनसंपर्क महासंचालनालय, मंत्रालय, मुंबई यांनी दि. 20 मार्च, 2014 पर्यंत मुख्य निवडणूक अधिकारी कार्यालय, मुंबई यांच्याकडे सादर करावयाच्या आहेत. प्रसिद्धी माध्यमांच्या ज्या प्रतिनिधींना वरील निवडणुकीकरिता प्राधिकारपत्रे हवी असतील, अशा प्रतिनिधींनी आपली नावे, आपल्या पासपोर्ट आकाराची 2 मूळ छायाचित्रे (मतदान/मतमोजणी दोन्ही प्राधिकारपत्रे हवी असल्यास 3 मूळ छायाचित्रे) महासंचालक, माहिती व जनसंपर्क महासंचालनालय, मंत्रालय, मुंबई यांच्याकडे दि.19 मार्च, 2014 पूर्वी पाठवावीत. छायाचित्रांशिवाय प्राप्त झालेली मागणी तसेच दि. 20 मार्च, 2014 नंतर या कार्यालयात प्राप्त झालेली मागणी स्वीकारण्यात येणार नाही, याची संबंधितांनी नोंद घ्यावी, असे मुख्य निवडणूक अधिकारी, महाराष्ट्र राज्य, मंत्रालय, मुंबई यांनी कळविले आहे.
या निवडणुकीच्या मतदान/मतमोजणीचे वृत्तसंकलन/छायाचित्रण करण्याकरिता विविध प्रसिद्धी माध्यमांच्या प्रतिनिधींना भारत निवडणूक आयोगाची विहित प्राधिकारपत्रे प्रथम प्राप्त करुन घेणे आवश्यक आहे. अशी प्राधिकारपत्रे प्राप्त होण्याकरिता भारत निवडणूक आयोगाने विहित केलेल्या निकषांची पूर्तता करणाऱ्या इच्छुक प्रतिनिधींच्या नावांच्या शिफारशी भारत निवडणूक आयोगाकडे पोहचण्याचा अंतिम दि. 21 मार्च, 2014 असा आहे. या शिफारशी महासंचालक, माहिती व जनसंपर्क महासंचालनालय, मंत्रालय, मुंबई यांनी दि. 20 मार्च, 2014 पर्यंत मुख्य निवडणूक अधिकारी कार्यालय, मुंबई यांच्याकडे सादर करावयाच्या आहेत. प्रसिद्धी माध्यमांच्या ज्या प्रतिनिधींना वरील निवडणुकीकरिता प्राधिकारपत्रे हवी असतील, अशा प्रतिनिधींनी आपली नावे, आपल्या पासपोर्ट आकाराची 2 मूळ छायाचित्रे (मतदान/मतमोजणी दोन्ही प्राधिकारपत्रे हवी असल्यास 3 मूळ छायाचित्रे) महासंचालक, माहिती व जनसंपर्क महासंचालनालय, मंत्रालय, मुंबई यांच्याकडे दि.19 मार्च, 2014 पूर्वी पाठवावीत. छायाचित्रांशिवाय प्राप्त झालेली मागणी तसेच दि. 20 मार्च, 2014 नंतर या कार्यालयात प्राप्त झालेली मागणी स्वीकारण्यात येणार नाही, याची संबंधितांनी नोंद घ्यावी, असे मुख्य निवडणूक अधिकारी, महाराष्ट्र राज्य, मंत्रालय, मुंबई यांनी कळविले आहे.
