अपघातात ट्रक सतरा टन सोयाबिनसह पुर्णतः जळुन खाक झाला आहे. ट्रकच्या चालक व वाहकांनी प्रसांगावधान ओळखुन चालत्या ट्रकमधुन बाहेर उडया घेतल्यामुळे जिवितहानी टळली. नागनाथ शंभु शिंदे (वय 36 रा.ढोकी ता.कळंब जि.उस्मानाबाद) व फुलचंद गाढवे (वय 25 रा.ढोकी) अशी ट्रक अपघातातील जखमी चालक व वाहकाची नांवे आहेत.
याबाबत घटनास्थळावरून व ट्रक मालकाकडुन प्राप्त माहिती अशी की, जखमी नागनाथ शंभु शिंदे हे त्याच्या ताब्यातील एम.एच.25 बी.9778 या दहा चाकी मालवाहु ट्रकमधुन लातुर येथुन सोयाबिन घेऊन येडशी-पांगरी मार्गे मुंबईकडे घेऊन जात असताना येडशी जवळील रामलिंग घाटात ट्रक आल्यानंतर अचानक स्टेरिंग रॉड तुटल्यामुळे त्यांचे ट्रकवरील नियंत्रण सुटले. ट्रक खोल दरीत कोसळत असल्याचे लक्षात आल्यामुळे ट्रकमधील शिंदे व गाढवे या चालक वाहकांनी वेळीच ट्रकबाहेर उडया घेतल्याने प्राणहानी टळली. ट्रकने 200 फुट खोल दरीत कोसळल्यानंतर ट्रकने पेट घेतला. मध्यरात्री घटना घडल्यामुळे तसेच वर्दळ कमी व ट्रक खोल दरीत असल्यामुळे मदत कार्य करताना डचनी येत होत्या. ट्रकने पेट घेतल्यामुळे त्यातील सतरा टन तिनशे साठ पोती व ट्रक आगीच्या भक्षस्थानी पडुन जळुन खाक झाला आहे. दहा चाकी ट्रकचा घटनास्थळावर फक्त सांगाडाच निदर्शनास पडत होता. आज सकाळी पोलिसांनी घटनास्थळास भेट देऊन पाहणी केली.
