उस्मानाबाद :- तालुक्यातील मेंढा गावचे सुपूत्र उमेश पांडूरंग जावळे हे गडचिरोली येथे नक्षलवाद्यांशी झुंज देत असताना शहीद झाले. मेंढा येथे जाऊन त्यांच्या कुटूंबियाची भेट पालकमंत्री मधुकरराव चव्हाण यांनी घेतली व त्यांचे सांत्वन केले. यावेळी त्यांनी आम्ही आपल्या दुखामध्ये सहभागी असून आपल्या अडी-अडचणी सोडवण्यास आम्ही कटीबध्द आहोत, असे सांगितले. यावेळी तुळजापूर प्राधिकरणाचे सदस्य अपासाहेब पाटील, लक्ष्मणराव सरडे, जि.प.सदस्य गुंड गुरुजी, श्री. सोनटक्के, धनंजय रणदिवे यांच्यासह ग्रामस्थ आदि उपस्थित होते.