बार्शी वकिल संघाच्या अध्यक्षपदी अॅड. दिनेश देशमुख

बार्शी (मल्लिकार्जून धारुरकर) -: बार्शी वकील संघाच्या चुरशीच्या निवडणूकीत अध्यक्षपदी अॅड.दिनेश देशमुख, उपाध्यक्षपदी सौ. शैला क्षीरसागर तर लायब्ररी चेअरमनपदी अविनाश गायकवाड यांची सलग चौथ्या वेळेस निवड करण्यात आली आहे. निवडणूक प्रक्रिया सुरु झाल्यानंतर बिनविरोध निवड झालेले सचिव अॅड. एन.एस. सावंत, खजिनदार अॅड. मुजाहिद तांबोळी यांची घोषणा निवडणूक निर्णय अधिकारी अॅड. एस.एस.सावंत, सहा.नि.नि.अधि. अॅड. मनोज गुरव, अॅड. जे.बी.जाधवर यांनी केली. 

       शनिवारी दि. ५ रोजी निवडणुकीतील मतदान प्रक्रिया व त्यानंतर मतमोजणी करण्यात आली. या प्रक्रियेत एकाच मतपत्रिकेवर तिन उमेदवारांसाठी मतदान घेण्यात आले होते. २५ मतांचे ९ राऊंड अशा पध्दतीने मतमोजणीची प्रक्रिया पूर्ण करण्यात आली. निवडणुकीच्या निकालानंतर विजयी उमेदवारांसाठी फटाके उडवून आनंदोत्सव साजरा करण्यात आला.
    अध्यक्षपदासाठी झालेल्या निवडणूकीत अॅड. दिनेश देशमुख (१०९ मते) तर त्यांचे प्रतिस्पर्धी अॅड.सुभाष जाधवर (७७ मते), अॅड. पुरुषोत्तम गोरे (१८ मते), अॅड. एम.बी.धारुरकर (५ मते), अॅड. नीलकंठ कुलकर्णी (११ मते), उपाध्यक्षपदासाठी अॅड. सौ.शैला क्षीरसागर (१२१ मते) प्रतिस्पर्धी अॅड. एस.एच. नायकोजी (१०० मते), लायब्ररी चेअरमन पदासाठी अॅड. अविनाश गायकवाड (११३ मते), प्रतिस्पर्धी अॅड्. शंकर ननवरे (११० मते) मिळाली.