उस्मानाबाद जिल्हा विकास स्मरणिका, विकास पर्व गौरवांक, सुसंवाद मोबाईल डायरी , तुळजापूर लाईव्ह वार्षिक दिनदर्शिकेच्या यशस्वी वाटचालीनंतर ‘दिपरंग’ हा वैभवशाली दिवाळी अंक आम्ही यंदा प्रकाशित करीत आहोत. मराठी साहित्याची अस्मिता जागविणारा ‘दिपरंग’ हा दिवाळी अंक मराठी साहित्यिकांसाठी एक नवी पर्वणी ठरणारा आहे. सुज्ञ वाचक, लेखक, कवींच्या अभिव्यक्ती स्वातंत्र्याला वाव देणारी वैचारिक लेखनाची मेजवानी देण्याच्या दृष्टीने हा ‘दिपरंग’ म्हणजे माणसाच्या जगण्याला बळ देणारा ठरेल, याचा आम्हास आशावाद वाटतो.
दिवाळी म्हणजे पावित्र्याचा सण, आनंदाचा सण. हा सण आपल्यातला उत्साह द्विगुणित करतो. या दिव्यांच्या झगमगाटात हा बहारदार अंक आम्ही प्रकाशित करीत आहोत. या अंकात दर्जेदार कथा, कविता, महिला जगत, कृषी व ग्रामीण जीवनाशी संबंधित वैचारिक लेखन शिवाय शैक्षणिक, सामाजिक, साहित्यिक, व्यंगचित्र आदी साहित्यांची जणू मांदियाळीच ठरणारा असा हा दिवाळी अंक वाचकांच्या भेटीस येत आहे. महाराष्ट्राच्या वैभवशाली साहित्य परंपरेत भर टाकणारा हा ‘दिपरंग’ दिवाळी विशेषांक तमाम वाचकांतून स्वागतार्ह ठरेल, याचा आम्हास विश्वास वाटतो.
संपादक
शिवाजी नाईक
मो.९६५७६८४३७०,
Emai : livetuljapur@gmail.com
