काटी :- तुळजापूर तालुक्यातील काटी येथे मंगळवार दि. 31 रोजी आठवडी बाजारा दिवशी सकल मराठा समाजाच्या वतीने पुकारण्यात आलेल्या काटी गाव बंद आंदोलनाला प्रतिसाद मिळाला. मंगळवार हा आठवडी बाजाराचा दिवस व या बाजारासाठी काटीसह दहिवडी, सावरगाव, वाणेवाडी, खुंटेवाडी, जवळगाव, शेळगाव आदी गावांतील व्यापारी, ग्रामस्थ आठवडी बाजारासाठी येत असतात परंतु मंगळवारी कडकडीत बंद दिसून आला. गावातील सर्व दुकाने बंद ठेवून सर्व व्यापारांर्या या आंदोलनाला पाठिंबा दर्शविला.
अनुचित प्रकार घडू नये यासाठी तामलवाडी पोलीस ठाण्याचे सहाय्यक पोलीस निरीक्षक चौरे यांच्या मार्गदर्शनाखाली चोख पोलीस बंदोबस्त ठेवण्यात आला होता.
या आंदोलनात संग्राम हंगरकर, गजानन देशमुख, अभिजित हंगरकर, शुभम काटे, संदीपान साळुंके, नागनाथ रोडे, दिपक चिवरे, रामेश्वर लाडुळकर आदीसह सकल मराठा बांधव सहभागी झाले होते.
