नळदुर्ग, दि. 20 : तुळजापूर तालुक्यातील नळदुर्ग बीटच्या वतीने बिट मधील सर्व मुख्याध्यापक व शिक्षकानी निधी जमा करून जवळपास 105 किटचे वाटप करण्यात आले. या बिट अंतर्गत येणारे शहापूर व नळदुर्ग केंद्रातील सर्व शिक्षक, मुख्याध्यापक, केंद्रप्रमुख व विस्तार अधिकारी यांनी निधी गोळा केला.
सदरील उपक्रमाबाबत विस्तार अधिकारी सौ राऊत यांनी आवाहन केल्याने शहापूर केंद्रप्रमुख कानडे व नळदुर्ग केंद्रप्रमुख अलुरे यांनी लगेच होकार दिला .गरजुना मदत करण्याबाबत शिक्षकांना आवाहन करण्यात आले.
त्यानुसार ५ दिवसामध्ये जवळपास १०५ किटचे पैसे जमा करुन दि. २० एप्रिल रोजी या सर्व किट तयार करण्यात आले, त्यामध्ये गहू, तांदूळ, तेल , साखर व इतर गृह उपयोगी वस्तू देण्यात आल्या.
सदरील किट नळदुर्ग बिट अंतर्गत येणाऱ्या 26 जिल्हा परिषदेच्या शाळेतील शिक्षक व मुख्याध्यापकानी शाळेतून गरजू विद्यार्थ्याची निवड करून ती यादी केंद्रप्रमुख यांचेकडे दिली . त्यानुसार मुख्याध्यापक यांचेकडे गटशिक्षणाधिकारी जाधव , विस्तार अधिकारी राऊत , विस्तार अधिकारी माळी , विस्तार अधिकारी सर्जे , केंद्रीय मुख्याध्यापक इटलकर व अलुरे , तसेच बिटमधील शिक्षक संघटना प्रतिनिधी बिलाल सौदागर, प्रशांत मिटकर , पवन सुर्यवंशी, निझाम इनामदार यांच्या उपस्थितीत किटचे वाटप करण्यात आले.
कोरोणा संदर्भातील सर्व नियम सोशल डिस्टसिंग व प्रत्येकाला अगोदर सॅनिटायझर हाताला लावूनच वाटप करण्यात आले.
