परंडा, दि. 12 :
सरणवाडी (ता. परंडा) येथील एका युवकाला कोरोनाची लागण झाल्याचे निष्पन्न झाल्यानंतर त्याच्या संपर्कात आलेल्या व्यक्तींच्या स्त्रावाचे नमुने चाचणीसाठी घेऊन विलासराव देशमुख शासकीय वैद्यकीय विज्ञान संस्था लातूर येथे पाठवले होते. आज त्यांचा अहवाल आला आहे. त्या सर्वांचे अहवाल निगेटीव्ह आले आहेत. तसेच त्या व्यक्तीच्या संपर्कातील आणखी 23जणांना क्वारंटाईन करण्यात आले आहे.
परंडा तालुक्यातील पिंपळवाडी, आसू, पाचपिंपला या गावात त्या बाधित व्यक्ती ने फळे, भाजीपाला खरेदी केला असल्याने प्रशासन यावर लक्ष ठेवून आहे. तसेच सोलापूर जिल्यातील करमाळा अनेक तालुक्यातील गावात हा रुग्ण फिरलेला असल्याने त्याचा तपास सुरू आहे. कोरंटाईन केलेल्या 23 जणांवर आरोग्य विभागाचे लक्ष आहे.
