तुळजापुर : कुमार नाईकवाडी
तुळजापुर नगरपरिषद च्या मुख्याधिकारी पदी आशिष लोकरे यांची पुन्हा नियुक्ती झाल्याबद्दल नगरपरिषदेचे नगराध्यक्ष सचिन रोचकरी यांनी दि.२७ सोमवार रोजी त्यांचे भव्य स्वागत सत्कार करण्यात आला.
सत्कार प्रसंगी नगराध्यक्ष सचिन रोचकरी आपले मनोगत व्यक्त करताना म्हणाले की, कोरोना सारख्या संसर्गजन्य रोगामध्ये आपल्या मुख्याधिकारी यांची अचानक बदली झाली होती. परंतु आई तुळजाभवानीची इच्छा असेल कदाचित कि अशा परस्थिती मध्ये आपण वापस पुन्हा तुळजापुर शहरा मध्ये यावे, म्हणजेच आपल्या हातुन या शहराचा विकास व्हावा, हिच आई तुळजा भवानीची इच्छा आहे, असे उद्गार याप्रसंगी काढले. तसेच यापुढील काळात सर्व नगरसेवक, नगर परिषदेचे सर्व अधिकारी,कर्मचारी जोमाने काम करणार आहेत असेही त्यांनी आवर्जुन सांगितले.
सदरील सत्कार प्रसंगी नगरसेवक पंडितराव जगदाळे, विजय कंदले, सुनिल रोचकरी,अभिजित कदम, विशाल रोचकरी, राहुल खपले,नानासाहेब लोंढे,नागेश नाईक, शहाजी भांजी, श्रीनाथ शिंदे,रणजीत इंगळे नगर परिषदेचे सर्व अधिकारी,कर्मचारी आदी उपस्थित होते.
