काटी : उमाजी गायकवाड
तुळजापूर तालुक्यातील काटी येथे गुरुवार दि. 30 रोजी आलेल्या रिपोर्टमध्ये पुर्वीच्या कोरोनाबाधित पेशंटच्या संपर्कातील आणखी दोघांचा रिपोर्ट पॉझिटिव्ह आला असून यामध्ये एका पुरुषाचा तर कोरोनाबाधित रुग्णाच्या आईचा समावेश आहे. त्यामुळे आता काटी येथील रुग्णांची संख्या आता एकोणीसवर गेली आहे.तर आठ रुग्ण बरे होऊन घरी आले आहेत.काटीत वाढत असलेल्या रुग्णांच्या संख्येत दिवसेंदिवस वाढ होत असल्याने हि वाढ थांबणार कि नाही या भितीने नागरिक धास्तावल्याचे चित्र दिसून येत आहे.
