तुळजापुर : कुमार नाईकवाडी
तुळजापूर शहरातील वेताळनगर भागात राहणाऱ्या एका ६८ वर्षीय व्यक्तीने गळफास घेऊन केली आत्महत्या केल्याची घटना शुक्रवार दि. 31 जुलै रोजी सायंकाळी घडली. याप्रकरणी तुळजापूर पोलीसात आकस्मात मृत्यूची नोंद करण्यात आली आहे.
या बाबत सविस्तर वृत्त असे की, शहरातील वेताळनगर भागात राहणाऱ्या मारुती गोविंदराव गरड वय वर्षे ६८ रा.तुळजापुर यांनी दि.३१ शुक्रवार रोजी सायंकाळी साडे पाच वाजण्याच्या सुमारास राहत्या घरातील बाथरुम मधील आडुला पंच्याने अज्ञात कारणामुळे गळफास घेऊन आत्महत्या केली. आत्महत्येचे नेमके कारण समजु शकले नाही. त्यांच्या नातेवाईकाच्या खबरीमुळे तुळजापुर पोलीस ठाण्यात अकस्मात मृत्यूची नोंद करण्यात आली आहे. गरड यांच्या वर रात्री साडे दहा वाजता येथील घाटशीळ रोड वरील स्मशान भुमीत अंत्य संस्कार करण्यात आले. मयत मारुती गरड यांच्या पश्चात पत्नी, तीन मुले, दोन मुली असा परिवार आहे.
