तुळजापुर : कुमार नाईकवाडी
उच्च न्यायालयाने मराठा आरक्षणाला अंतरिम स्थगिती दिली आहे. येणा-या काळात शासनाने मराठा समाजाची बाजू योग्यरित्या उच्च न्यायालयात न मांडल्यास व मराठा समाजाला न्याय न भेटल्यास सामुहिक आत्मदहन करण्याचा अखिल भारतीय छावा संघटनेच्यावतीने निवेदनाद्वारे देण्यात आला आहे.
अखिल भारतीय छावा मराठा संघटना उस्मानाबाद यांच्यावतीने मराठा आरक्षणाला स्थगिती मिळाल्याने अप्पर जिल्हाधिकारी शिरीष यादव यांना निवेदन देण्यात आले. दिलेल्या निवेदनात म्हटले आहे की, मराठा समाज बांधव गेल्या 40 वर्षापासुन आरक्षणासाठी लढा देत आला आहे. त्यासाठी आरक्षण आंदोलनात 42 हुतात्मायांनी आपल्या प्राणांची आहुती दिलेली आहे. राज्य सरकारच्या दुर्लक्षामुळे मराठा आरक्षणाना स्थागिती मिळाली असून समाजाला योग्य तो न्या न मिळाल्यास राज्य सरकारच्या एकाही मंञी जिल्हात फिरू देणार नाही, असा इशारा देण्यात आला आहे.
यावेळी छावा संघटनेच्या वतीने राज्य सरकारचा निषेधही करण्यात आला. येत्या काही दिवसात मराठा आरक्षण नाही मिळाले तर मराठा आमदारांच्या घरासमोर अखिल भारतीय छावा मराठा संघटना थाळी नाद आंदोलन करणार असल्याचे संघटनेच्या पदाधिका-यांनी सांगितले.
याप्रसंगी अखिल भारतीय छावा मराठा संघटनेचे उस्मानाबाद जिल्हाध्यक्ष दिनेश रोचकरी, जिल्हा कार्याध्यक्ष रांजेद्र सांळुके, जिल्हा उपाध्यक्ष विजय माने, उस्मानाबाद तालुकाध्यक्ष प्रंशात पाटील, तुळजापुर तालुका सचिव ऋषीकेश शिंदे, तुळजापुर शहराध्यक्ष आण्णासाहेब इंगळे, दत्ता झिरमिरे, दत्ता माळी, अतुल चौथरी यांच्यासह संघटनेचे पदाधिकारी उपस्थित होते.
