तुळजापूर : कुमार नाईकवाडी
येथील श्री तुळजाभवानी मंदिर संस्थान संचलित श्री तुळजाभवानी अभियांत्रिकी महाविद्यालयात दक्षता जनजागृती सप्ताहानिमित्त सतर्क भारत समृद्ध भारत याअंतर्गत राष्ट्रीय सेवा योजना विभागाच्यावतीने महाविद्यालयाचे प्राचार्य डॉ. शेखर जगदे यांच्या मार्गदर्शनाखाली गुरुवारी दुपारी महाविद्यालयात सर्व उपस्थित कर्मचाऱ्यांना भ्रष्टाचार निर्मूलन संदर्भात शपथ देण्यात आली.
या कार्यक्रमाचे प्रास्ताविक राष्ट्रीय सेवा योजना प्रमुख प्रा. श्यामकांत डोईजोडे यांनी केले तर आभार उपप्राचार्य रवी मुदकना यांनी मानले. यावेळी प्रबंधिका सुजाता कोळी, सर्व विभाग प्रमुख, प्राध्यापक व शिक्षकेतर कर्मचारी उपस्थित होते. या कार्यक्रमावेळी सोशल डिस्टन्सचे नियमानुसार पालन करण्यात आले.
