काटी : उमाजी गायकवाड
तुळजापूर तालुक्यातील काटीसह सावरगाव, सुरतगाव व तामलवाडी येथे राष्ट्रवादी काँग्रेस, काँग्रेस व शिवसेना महाविकास आघाडीचे औरंगाबाद पदवीधर मतदारसंघातील उमेदवार आ.सतिश चव्हाण यांच्या प्रचारार्थ प्रा. अभिमान हंगरकर, प्रा. अश्पाक शेख, प्रा. रणजित गायकवाड आदींनी राष्ट्रवादी काँग्रेस, काँग्रेस, शिवसेना पदाधिकारी, शिक्षक, पदवीधरांची संयुक्त आढावा बैठक घेऊन व पदवीधरांच्या, शिक्षकांच्या समस्या जाणून घेत पदवीधर निवडणुकी संदर्भात व उमेदवार आ.सतिश चव्हाण यांच्या कार्याविषयी मार्गदर्शन केले.
यावेळी प्रा. अभिमान हंगरकर, प्रा. रणजित गायकवाड, माजी जिल्हा परिषद सदस्य बाबुराव ढगे, माजी चेअरमन सयाजीराव देशमुख, बाजार समितीचे माजी संचालक सुजित हंगरगेकर, राष्ट्रवादी काँग्रेस पक्षाचे मागासवर्गीय विभागाचे प्रदेश सरचिटणीस अशोक जाधव, प्रा. भारत गुरव, करीम बेग यांच्यासह महाविकास आघाडीचे पदाधिकारी, शिक्षक, पदवीधर उपस्थित होते.
