उस्मानाबाद, दि. 19 : अधिकार नसताना दोन बोगस वारसा प्रमाणपत्र दिल्याबद्दल तडवळा ता.जि. उस्मानाबाद गावचे उपसरपंच तथा एस.पी. शुगरचे चेअरमन सुरेश पाटील यांच्यासह तिघावर गुन्हा दाखल करण्याचे आदेश जि.प. चे उपमुख्यकार्यकारी अधिकारी यांनी दिले आहे.
याबाबत सविस्तर माहिती अशी की, तडवळा गावातील मयत मुरलीधर कदम यांच्या नावाचे दोन वेगवेगळे वारसा प्रमाणपत्र अधिकार नसताना उपसरपंच सुरेश यांनी संबंधिताना दिले होते. यावर आक्षेप घेत येथील येथील ग्रामस्थ सुभाष कदम यांनी मुख्य कार्यकारी अधिकारी यांच्याकडे तक्रार देवून उपोषणाचा इशारा दिला होता.
त्यावरु उपमुख्यकार्यकारी अधिकारी (ग्रा.पं.) यांनी आज शनिवार दि. 19 डिसेंबर रोजी उपसरपंच सुरेश पाटील, लिपिक रवींद्र घोरपडे, प्रमाणपत्र हस्तगत करणारे दिगंबर कदम यांच्यावर गुन्हे नोंद करण्याचे आदेश उस्मानाबाद पं.स. च्या गटविकास अधिका-यांना दिले आहेत.
