तुळजापूर, दि. 06 : भारतीय राज्यघटनेचे शिल्पकार डॉ. बाबासाहेब आंबेडकर यांच्या ६४ व्या महापरिनिर्वाण दिनाचे औचित्य साधुन तुळजापुर नगरपरिषदेच्या तुळजापुर नगरीचे नगराध्यक्ष सचिन रोचकरी यांच्या हस्ते रविवार दि. ६ डिसेंबर रोजी प्रथम न.प. कार्यालयात डॉ. बाबासाहेब आंबेडकर यांच्या प्रतिमेचे पुजन करुन त्यानंतर आंबेडकर चौक येथील डॉ. बाबासाहेब आंबेडकर यांच्या अर्ध पुतळ्यास पुष्पहार अर्पण करुन अभिवादन करण्यात आले.
यावेळी नगरसेवक पंडीतराव जगदाळे, अमर मगर, औदुंबर कदम, अभिजित कदम, नानासाहेब लोंढे, न.प. अधिक्षक वैभव पाठक, हनमंत पुजारी, अतकरे, इंगळे आदीसह न.प. अधिकारी, कर्मचारी उपस्थित होते.
