तुळजापूर दि. १६ : डॉ. सतीश महामुनी
प्रोफेशनल टीचर्स असोसिएशन या शिक्षण क्षेत्रातील खाजगी राज्यव्यापी शिखर आणि प्रतिष्ठेच्या संस्थेवर तुळजापूर येथील ज्येष्ठ आणि अनुभवी कोचिंग क्लासेस चे संचालक वैजनाथ मिटकरी यांची निवड झाल्यामुळे तुळजापूर शहर आणि तालुक्यातून त्यांच्यावर अभिनंदनाचा वर्षाव करण्यात येत आहे.
तुळजापूर शहरातील जेष्ठ कोचिंग क्लास संचालक प्रा. वैजिनाथ मिटकरी यांची प्रोफेशनल टीचर्स असोसिएशन या कोचिंग क्लास संचालकांच्या संघटनेच्या जिल्हाध्यक्षपदी नियुक्ती करण्यात आली आहे.
प्रोफेशनल टीचर्स असोसिएशन ही कोचिंग क्लास संचालकांची राज्यव्यापी शिखर संघटना आहे. संघटनेचे राज्याध्यक्ष प्रा. विजय पवार, महासचिव हणमंत भोसले, रवी शितोळे, वैजिनाथ खोसे, राज्य कोअर कमिटी सदस्य डॉ. आनंद मुळे व राहुल नाईकवाडे यांनी प्रा. वैजिनाथ मिटकरी यांचे अभिनंदन केले आहे.
शिक्षण क्षेत्रातील गुणवत्ता कायम ठेवण्यासाठी आणि ती वाढविण्यासाठी प्रयत्न करणाऱ्या तुळजापूर येथील प्रोफेशनल कोचिंग क्लासेस संघटनेच्या सर्व पदाधिकाऱ्यांनी यानिमित्ताने वैजनाथ मिटकरी यांचा निवडी बद्दल सत्कार करून त्यांना शुभेच्छा दिल्या आहेत.
यानिमित्ताने मनोगत व्यक्त करताना वैजिनाथ मिटकरी यांनी संघटनेच्या आणि उद्दिष्टानुसार आपण आपल्या सर्व सहकाऱ्यांना सोबत घेऊन संघटनेचे कामकाज करणार आहोत विद्यार्थ्यांची गुणवत्ता वाढली पाहिजे यासाठी संघटना पूर्वीपासून जे प्रयत्न करीत आहे तेच पुढे चालू ठेवत आपण प्रयत्नांची पराकाष्टा करू असे आश्वासन दिले.
