उस्मानाबाद ,दि.१३: जिल्ह्यातील
ग्रामपंचायत निवडणुकीसाठी दि. १५ जानेवारी रोजी मतदान होत असून १८ जानेवारी रोजी मतमोजणी होणार आहे. मतदान हा गोपनीय अधीकार असल्याने मतदान कक्षात व मतमोजणी कक्षात मतदार-उमेदवार प्रतिनिधी यांनी भ्रमणध्वनी-कॅमेरा नेण्यास मनाई आहे.
काही उपद्रवी नागरीक लपवून छपवून मतदान कक्षात-मतमोजणी कक्षात भ्रमणध्वनी /कॅमेरा घेवून जावून चित्रीकरण करतात आणि मतदान प्रक्रीया संबंधी छायाचित्रे – व्हिडीओ सामाजीक माध्यमांत प्रसारीत करतात. यावरून त्यांच्या विरूद्ध गुन्हा दाखल होण्याच्या घटना उस्मानाबाद जिल्ह्यात गेल्या लोकसभा, विधानसभा निवडणूकी वेळी घडल्या आहेत.
तरी मतदान कक्षात व मतमोजणी कक्षात मतदार-उमेदवार प्रतिनिधी यांनी भ्रमणध्वनी-कॅमेरा, शस्त्रे, ज्वालाग्रही वस्तू, आगपेटी इत्यादी साहीत्य नेवू नये अन्यथा त्यांच्या विरूद्ध प्रचलित कायद्याप्रमाणे गुन्हा दाखल करण्यात येईल. असे आवाहन पोलीस अधीक्षक श्री. राज तिलक रौशन यांनी जनतेस केले आहे.
