जळकोट,दि.२७ : मेघराज किलजे
जळकोट ता. तुळजापूर ग्रामपंचायती च्यावतीने तुळजापूर पंचायत समितीच्या नूतन सभापती सौ. रेणुका इंगोले व भारतीय सैन्य दलातील सेवानिवृत्त झालेले सुभेदार बळीराम सावंत यांचा सत्कार करण्यात आला.
जळकोट ग्रामपंचायतीच्या सभाग्रहात झालेल्या कार्यक्रमात तुळजापूर पंचायत समितीच्या नूतन सभापती सौ. रेणुका भिवाजी इंगोले यांचा उपसरपंच सौ. श्रीदेवी बसवराज कवठे यांच्या हस्ते फेटा, शाल, पुष्पहार देऊन सत्कार करण्यात आला. जळकोटचे भूमिपुत्र बळीराम सावंत हे भारतीय सैन्यदलातून सुभेदार या पदावरून निवृत्त झाल्याबद्दल त्यांचा सरपंच अशोकराव पाटील यांच्या हस्ते सत्कार करण्यात आला.
या कार्यक्रमास जिल्हा परिषद सदस्य प्रकाश चव्हाण, राष्ट्रवादी काँग्रेसचे जिल्हा सहचिटणीस महेश कदम, महाराष्ट्र नवनिर्माण सेनेचे जिल्हाध्यक्ष प्रशांत नवगिरे, शिवसेनेचे तालुका उपप्रमुख कृष्णात मोरे, माजी पंचायत समिती सदस्य अर्जुन कदम, शिवराज स्वामी ,ग्रामपंचायत सदस्य गजेद्र कदम, सोसायटीचे चेअरमन राजकुमार पाटील, ग्रामपंचायत सदस्य कल्याणी साखरे, रावसाहेब कदम, अशोक कदम, बबन मोरे, बसवराज कवठे, शाळा व्यवस्थापन समिती अध्यक्ष शंकर वाडीकर, बसवराज भोगे, पिंटू चुंगे, विजय यादगौडा, शकील मुलानी, ग्रामपंचायत कर्मचारी, ग्रामस्थ उपस्थित होते. कार्यक्रमाचे सूत्रसंचालन मेघराज किलजे तर ग्रामपंचायत सदस्य अंकुश लोखंडे यांनी आभार मानले.
