काटी : तुळजापूर तालुक्यातील काटी येथील जेष्ठ नागरिक कालिदास मलिकार्जून देवकर वय (50) यांचे अल्पशा आजाराने मंगळवार दि. (18) रोजी दुपारी दोन वाजता सोलापूर येथील खासगी रुग्णालयात उपचारा दरम्यान दु:खद निधन झाले. मागील वर्षी थोरले भाऊ विलास देवकर व त्यांच्या पत्नी यांचा कोरोनामुळे दुर्दैवी मृत्यू झाला होता. देवकर कुटूंबियांवर वर्षेभरात हा तिसरा आघात झाल्याने त्यांच्या कुटुंबावर दु:खाचा डोंगर कोसळल्याने सर्वत्र हळहळ व्यक्त करण्यात येत आहे.
त्यांच्या पार्थिवावर मंगळवारी सायंकाळी 5:30 वाजता येथील हिंदू स्मशानभूमीत शोकाकुल वातावरणात अंत्यसंस्कार करण्यात आले.
त्यांच्या पश्चात आई, पत्नी, दोन मुली, एक मुलगा, भाऊ, भावजय, पुतणे असा परिवार आहे.
