नळदुर्ग, दि.१ :
एक पाऊल विद्यार्थ्यांसाठी या उपक्रमा अंतर्गत सोमवार रोजी राष्ट्रवादी विद्यार्थी काँग्रेसच्यावतीने नळदुर्ग येथिल बालाघाट शिक्षण संस्थेचे प्राचार्य यांना विविध मागण्याचे निवेदन देण्यात आले.
निवेदनात पुढील प्रमाणे मागण्या नमुद करण्यात आले आहे.
सुप्रीम कोर्टाने दिलेल्या निर्देशाचा मान ठेवत सर्व शिक्षण संस्थांनी आपल्या शिक्षण शुल्कात ट्युशन फी सरसकट कपात करावी, त्याचबरोबर विद्यार्थी ज्या सुविधा वापरत नाहीत त्याचे शुल्क आकारू नये, ज्या सुविधा विद्यार्थी वापरत नसतानाही शिक्षण संस्था त्याचे शुल्क आकारत असेल तर अशा संस्थांच्या विरोधात तीव्र आंदोलन करण्यात येईल,
शिक्षण शुल्क समितीने लवकरात लवकर राज्यातील सर्व शिक्षण संस्थांच्या शुल्क निश्चितची पुन्हा प्रक्रिया करून नवीन शुल्क निश्चित करावे. तोपर्यंत कोणत्याही पालकांकडून शिक्षण संस्थाना शुल्क आकारण्याचा हक्क नाही,असा आदेश काढावा.
केंद्र सरकारने आणि रिझर्व्ह बँक ऑफ इंडियाने सर्व बँकांना शुन्य टक्के व्याजदराने शैक्षणिक कर्ज योजना लागू करण्याचे निर्देश द्यावेत,
नर्सरी ते दहावीवीचे शिक्षण देणाऱ्या शिक्षण संस्थानी शैक्षणिक साहित्य (पुस्तके, वह्या इ.) शाळेतूनच घ्यावे लागतील ही सक्ती करु नये, तसेच बोर्डाने (CBSE,ICSE,STATE) जी पुस्तके निर्देशित केली आहेत तीच पुस्तके शिकवताना वापरावीत, दुसऱ्या कोणत्याही प्रकाशनाची महाग पुस्तके पालकांना घेण्यास भाग पाडू नये, अन्यथा तीव्र आंदोलन करण्यात येईल व त्या शिक्षण संस्थेची तक्रार संबधित बोर्डाकडे करण्यात येईल.
ज्या विद्यार्थ्यांचे मागील वर्षाचे शुल्क राहिले असेल त्या विद्यार्थ्यांना कोणत्याही परिस्थितीत परीक्षेपासून अथवा शिक्षणापासून वंचित ठेवू नये. तसेच त्यास शाळा- महाविद्यालय सोडण्यास भाग पाडू नये.
यावेळी नळदुर्ग राष्ट्रवादी विद्यार्थी कॉग्रेस पार्टीचे शहराध्यक्ष ताजोदीन शेख, सैय्यद अर्श अरफात , संतोष काबडे, सलमान पठाण ,प्रशात चव्हाण, सलमान शेख आदी उपस्थितीत होते.