तुळजापूर, दि. १६ :
तुळजापूर नगरपरिषदेने शहरात प्लास्टिक विरोधी मोहीम राबवून बुधवार रोजी व्यापाऱ्यांवर दंडात्मक कारवाई करुन ३ हजार रुपयेचा दंड वसुल केल्याने व्यवसायिकामध्ये खळबळ उडाली आहे.
तुळजापूर येथे दि .१६ जून रोजी प्लास्टिक बंदी मोहीम राबविण्यात आली. यामध्ये ३० किलो प्लास्टिक जप्त करून ३ हजार रुपये दंड वसूल करण्यात आला. सदर कारवाई मुख्याधिकारी आशिष लोकरे यांच्या मार्गदर्शनाखाली करण्यात आली.
यामध्ये कार्यालयीन अधिक्षक वैभव पाठक,स्वच्छता निरीक्षक दत्तात्रय साळुंके,प्लास्टिक बंदी पथक प्रमुख सुशांत गायकवाड,बिट प्रमुख गुणवंत कदम,विश्वास मोटे, वसुली विभागातील संतोष इंगळे,सज्जन गायकवाड, ज्ञानेश्वर टिंगरे, दत्ता डोंगरे, मुजाफर शेख, जयजयराम माने,लखन कंदले,शंकर कांबळे,महेश गायकवाड, मनोज हलकुडे यांचा सहभाग होता.
विनामास्क फिरणाऱ्यांवर कार्यवाही करण्यात आली , गर्दी करू नये, सर्वांनी मास्क लावावे,कामाव्यतिरिक्त बाहेर फिरु नये, शासनाचे नियम पाळावेत अशा सूचनाही शहरातील नागरिकांना दिल्या आहेत.