तुळजापूर दि २१ :
मुख्यमंत्री उद्धव ठाकरे यांनी टाकलेल्या विश्वासाला तडा जाऊ न देता प्रमाणिकपुणे राज्य मागासवर्ग आयोगाच्या कामकाजामध्ये लक्ष घालून , योग्य भूमिका मांडू अशी ग्वाही नवनिर्वाचित राज्य मागासवर्ग आयोगाचे सदस्य प्रा .डॉ. गोविंद काळे यांनी दिली.
उस्मानाबाद जिल्ह्यातील फणेपुर ( ता. लोहारा येथे राज्य मागासवर्ग आयोगाचे सदस्य म्हणून निवडीबद्दल नागरी सत्काराचे आयोजन करण्यात आले होते. कार्राक्रमाच्या अध्यक्षस्थानी भाजपा जिल्हाध्यक्ष नितीन काळे तर प्रमुख पाहुणे उमरगा- लोहारा विधानसभा मतदारसंघाचे
आ. ज्ञानराज चौगुले , हृदयरोग तज्ञ डॉ. प्रमोद पवार , शिवसेना तालुकाप्रमुख मोहन पणुरे , उमरगा शिवसेना तालुकाप्रमुख बाबुराव शहापूरे , नगरसेवक अभिमन्यू खराडे , युवा सेना तालुका प्रमुख अमोल बिराजदार , उप प्रमुख जग्गनाथ पाटील , लोहारा शहर प्रमुख सलीम शेख उपस्थित होते.
पुढे बोलताना प्रा.काळे म्हणाले की , माझ्यासारख्या सर्वसामान्य कार्यकर्त्यांला पक्षाने माझ्या एकनिष्टमुळे व कार्यामुळे मोठया जबाबदारी दिली आहे . सर्वोच्च न्यायालयाने मराठा बांधवांचे शिक्षण व नोकरीतील फेटाळले आरक्षण व इतर मागासवर्गाचे स्थानिक स्वराज्य संस्थांमधील फेटाळलेले आरक्षण कसे मार्गी लावता येईल यासाठी दिवस - रात्र एक करूण सर्व समाजाला न्याय मिळवून देण्यासाठी प्रयत्न करेन.
यावेळी आ. ज्ञानराज चौगुले म्हणाले की जात ,धर्म न बघता एकनिष्ठ व कार्यक्षम असलेल्यांना पक्ष व आम्ही पाठबळ देतो. अध्यक्षीय भाषणामध्ये ॲड.नितीन काळे यांनी राज्य मागासवर्ग आयोगाचे सदस्य हे पद मंत्रालयातील सचिव दर्जाचे पद असुन हे काळे सरांसारख्या प्रमाणात काम करणाऱ्या कार्यकर्त्यांना ठाकरे सरकारने न्याय दिला याबद्दल ठाकरे सरकारचे अभिनंदन करतो व मराठा आरक्षण वोबीसी आरक्षणाबाबत न्याय भुमिका घेतील अशी आशा व्यक्त केली.
यावेळी सरपंच साहेराबी मुल्ला , उपसरपंच नागनाथ निंगशेट्टी , मा.सरपंच मुक्ताबाई भोजने , शाखा अभियंता राजेंद्र माळी ., मा.उपसरपंच दत्तात्रय काळे , ग्रा.प. सदस्य बालाजी भोजने , सौ.शोभा सगर , आयुब मुल्ला , श्रीमंत गवंडी , सौ.वंदना काळे , व्यंकट भोजने , शंकर स्वामी , वैजीनाथ भिसे , सोमनाथ माळी , सोमनाथ भंडारकवठे , महेश पाटील , आप्पाराव भंडारकवठे , सचिन करे , यादव जाधव , पृथ्वीराज काळे आदी उपस्थित होते.
