दि.१६
केंद्रीय पुरातत्व खात्याने संरक्षित केलेली ताजमहालसह देशातील 3,693 ऐतिहासिक स्थळे आणि देशभरातील 50 वस्तुसंग्रहालये पर्यटकांसाठी आज बुधवार, दि. 16 जूनपासून खुली झाली आहेत. मात्र पर्यटकांना यासाठी ऑनलाइन बुकिंग करावे लागणार आहे.


केंद्रीय सांस्कृतिक मंत्रालयाने देशातील ऐतिहासिक स्थळे खुली करण्याची परवानगी दिली आहे. 'कोरोना नियमावली पाळून पर्यटकांना 16 जूनपासून ऐतिहासिक स्थळांना भेटी देता येतील', असे ट्विट केंद्रीय सांस्कृतिक आणि पर्यटमंत्री प्रल्हाद सिंह पटेल यांनी केले आहे. भारतीय पुरातत्व सर्वेक्षण (एएसआय) विभागाच्या आदेशानुसार राज्य सरकार, जिल्हा प्रशासन आणि आपत्ती व्यवस्थापन प्राधिकरणाच्या आदेशानुसार राज्यातील ऐतिहासिक स्थळे खुली केली जाणार आहेत.
कोरोना संसर्गाचा प्रादुर्भाव रोखण्यासाठी गेल्या वर्षी 17 मार्चपासून सर्व ऐतिहासिक स्थळे पर्यटकांसाठी बंद केली होती. नंतर जुलै 2020 मध्ये कोरोना नियमावली पाळून ऐतिहासिक स्थळे खुली करण्याचे आदेश दिले होते. त्यानतर कोरोनाच्या दुसऱया लाटेमुळे एप्रिलमध्ये पुरातत्व विभागाने आदेश काढून ऐतिहासिक स्थळे पर्यटकांसाठी बंद केली होती. केंद्र व राज्य सरकारकडून लागू करण्यात आलेल्या कोरोना निर्बंधांचे पालन करून देशभरातील 3,693 ऐतिहासिक स्थळे आणि 50 वस्तुसंग्रहालये पर्यटकांसाठी खुली करण्यास परवानगी देण्यात आली आहे.

एका वेळी फक्त 100 लोकांना प्रवेश

ताजमहालमध्ये प्रवेश करण्यासाठी काही नियम बनविण्यात आले आहेत, जे प्रत्येक पर्यटकांना पाळावे लागतील. एका वेळी फक्त 100 लोकांना प्रवेश मिळेल असे सांगण्यात येत आहे. 100 पर्यटक पूर्ण झाल्यावर उर्वरित जणांना प्रतीक्षा करावी लागेल.

ताजमहाल , आग्रा फोर्ट , फतेहपूर सिक्री आणि इतर कें द्रीय संरक्षित स्थळे , म्युझियम्स खुली होणार आहेत . मात्र ताजमहालच्या अंतर्गत भागासह पर्यटकांना ऐतिहासिक स्थळावर कुठेही स्पर्श करता येणार नाही . पर्यटकांना मास्क वापरणे , सोशल डिस्टन्सिंग नियम पाळणे बंधनकारक असल्याचे आग्रा पुरातत्व विभागाने स्पष्ट केले आहे .
 
Top