उस्मानाबाद , दि .११
शुक्रवारी उस्मानाबाद तालुक्यात झालेल्या मुसळधार पावसामुळे पूर आला. या पुरात वाहुन जाणा-या ४ पैकी दोघाना वाचविण्यात यश आले होते. तर दोघे वाहून गेल्याने बेपत्ता झाले होते. प्रशासनाच्यावतीने दोघांना शोधण्याचे काम सुरू होते. मात्र दोघांपैकी एकाचा मृतदेह बोरखेडा, बोरगाव राजे बोरखेड रस्त्यावरील पुलाजवळ आढळुन आला.
उस्मानाबाद तालुक्यात ९ जुलै रोजी झालेल्या मोठ्या प्रमाणावरील पावसामुळे तालुक्यातील बोरखेडा व समुद्रवाणी येथील ओढ्यातील पुरात वाहून गेलेल्या दोघाना वाचवण्यात गावकऱ्यांच्या मदतीने प्रशासनास यश आले होते , तर वाहून गेलेल्या दोघांचा शोध घेण्याचे काल दिवसभर प्रयत्न करण्यात आले .
वाहून गेलेल्या दोघांचा शोध लागला नव्हता परंतु त्या दोघांपैकी बोरखेडा येथे कनगरा येथील समीर युन्नूस शेख ( वय 27 )यांचा शोध लागला आहे . शेख यांचा मृतदेह बोरखेडा येथे आज सकाळी सापडला आहे , अशी माहिती उस्मानाबादचे तहसीलदार गणेश माळी यांनी दिली आहे . ९ जुलैच्या रात्री पुरात वाहून जाणाऱ्या दोघाना वाचवण्यात यश आले होते , तर दोघे वाहून गेले होते , त्यांचा महसूल प्रशासन ,ग्रामस्थ, अग्निशमन दल शोध घेत होते . समुद्रवाणी येथे वाहून गेलेल्या एका व्यक्तीचा अजून शोध सुरू आहे .
