उस्मानाबाद दि.५ : 

 भारतीय जनता पार्टीचे आमदार  गोपीचंद पडळकर यांच्या गाडीवर सोलापूर येथे दगड फेकून समाजकंटकाकडून करण्यात आलेल्या भ्याड हल्ल्याचा ओबीसी राजकीय आरक्षण बचाव समितीच्यावतीने जाहीर निषेध करण्यात आला. तर  संबंधितावर कडक कारवाई करण्याची  मागणी  निवेदनाद्वारे  उस्मानाबाद जिल्हाधिकार्‍यांकडे दि.५ जुलै रोजी करण्यात आली आहे. 


 निवेदनात  पुढे नमूद केले आहे की, आमदार गोपीचंद पडळकर हे सोलापूर येथे ओबीसी समाजाचे राजकीय आरक्षण रद्द झाल्यामुळे घोंगडी बैठकीसाठी दि.३० जून रोजी आले होते.‌त्यावेळी त्यांच्या गाडीवर  समाजकंटकांनी  दगडफेक केली. त्यामुळे त्यांच्या जीवितास धोका निर्माण करणाऱ्या समाजकंटकांस कडक शासन करावे. तसेच या कृत्याचा उस्मानाबाद जिल्हा ओबीसी व व्हीजेएनटी  समाजाच्यावतीने तीव्र निषेध करण्यात आला  आहे. त्यामुळे निवेदनाद्वारे आमच्या भावना महाराष्ट्र शासनास कळविण्यात याव्यात. 

तसेच आमदार पडळकर यांच्यावर भ्याड हल्ला करणाऱ्या व्यक्तीच्या पाठीशी असणाऱ्या व्यक्तीचा किंवा भ्याड हल्ला करणाऱ्या व्यक्ती या घटना करण्यास प्रवृत्त करणाऱ्या व्यक्तीचा तपास करून त्यास तात्काळ अटक करून गुन्हा दाखल करण्यात यावा, ओबीसी, व्हीजेएनटी यांचे राजकीय आरक्षण पूर्ववत ठेवावे, जोपर्यंत ओबीसी, व्हीजेएनटी यांचे राजकीय आरक्षण पूर्ववत होत नाही. तोपर्यंत कोणत्याही निवडणुका घेऊ नयेत, 

ओबीसी व व्हीजेएनटीच्या शासकीय कर्मचाऱ्यांचे नोकरीमधील पदोन्नती देण्याचे काम पूर्वीप्रमाणे कायम ठेवावे, ओबीसी व व्हीजेएनटी यांचे जातनिहाय सर्वेक्षण व जनगणना करण्यात यावी आदी मागण्या करण्यात आले आहेत. 

या निवेदनावर अध्यक्ष लक्ष्मण माने, सल्लागार विधिज्ञ खंडेराव चौरे, सचिव रवी कोरे, सल्लागार पिराजी मंजुळे, कार्याध्यक्ष महादेव माळी, पांडुरंग लाटे, इंद्रजीत देवकते, प्रमोद बचाटे, शिवानंद कसले, शंकर इटकर, दत्तात्रय सोनटक्के व सतीश कदम यांच्या सह्या आहेत.
 
Top