उस्मानाबाद दि,१२ :राजगुरू साखरे
जिल्हा विधी सेवा प्राधिकरण उस्मानाबाद, आणि डॉ.बापूजी साळुंखे विधी महाविद्यालय उस्मानाबाद यांच्या संयुक्त विद्यमाने जिल्हा विधी सेवा प्राधिकरण यांच्या परिषद दालनात आंतरराष्ट्रीय युवा दिनाचे आयोजन करण्यात आले होते , या कार्यक्रमाच्या अध्यक्षस्थानी वसंत यादव- सचिव जिल्हा विधी सेवा प्राधिकरण यांनी या कार्यक्रमाची प्रस्तावना केली,
तसेच या कार्यक्रमामध्ये बोलताना श्रीमती एच .आर.खान अती दिवानी न्यायाधीश क स्तर , उस्मानाबाद व श्री .एम.बी.माढेकर विधिज्ञ, विधिज्ञ मंडळ उस्मानाबाद यांनी स्वामी विवेकानंदांच्या विचारांचे विवेचन केले, तसेच डॉ. बापूजी साळुंखे विधी महाविद्यालय उस्मानाबाद येथील प्रा. डॉ.संजय आंबेकर यांनी आंतरराष्ट्रीय युवा दिन का साजरा केला जातो, त्याचे महत्त्व सामाजिक , राजकीय, आर्थिक, शैक्षणिक, यांचा कायद्याच्या संदर्भात कसे आहे याचा उहापोह विविध संदर्भ देऊन आजचा युवक कसा हवा हे विधी विद्यार्थी व विधीज्ञ यांना पटवून दिले. या कार्यक्रमाच्या प्रमुख उपस्थितीत श्री. नितीन भोसले अध्यक्ष जिल्हा विधिमंडळ उस्मानाबाद, होते.
त्याचबरोबर या कार्यक्रमास विधी महाविद्यालयातील विद्यार्थी पूजा शिंदे, वैष्णवी दंडनाईक, मीनाक्षी राठोड , रूपाली जाधव, कल्पना खोत, शुभम तांबे, सुमीत खोसे, शिवराज माने, महेश लीमये, आदीसह विधी महाविद्यालय विद्यार्थी उपस्थित होते. या कार्यक्रमाचे सूत्रसंचालन अनिल द. घुले अधीक्षक जिल्हा विधी सेवा प्राधिकरण उस्मानाबाद यांनी केले तर आभार प्रदर्शन कु. द्वारका देवळे विद्यार्थिनी डॉ.बापूजी साळुंखे विधी महाविद्यालय उस्मानाबाद यांनी केले.
