तुळजापूर दि . ५ :
तुळजापूर तालुक्यातील आरळी खुर्द ग्रामपंचायतची ग्रामसभा शनिवार दि ४ सप्टेंबर रोजी संपन्न झाली .
सरपंच सौ पल्लवी सतिश गायकवाड यांच्या अध्यक्षतेखाली व ग्रामसेवक बी. बी .कुंभार यांच्या उपस्थितीत झालेल्या ग्रामसभेत विविध विषयावर चर्चा झाली .
या ग्रामसभेत महादेव देवबा गायकवाड यांची आरळी खुर्द गावच्या तंटामुक्त समितीच्या अध्यक्षपदी निवड करण्यात आली. त्यानंतर पाणीपुरवठा समिती, दक्षता समिती, ग्रामसुरक्षा समिती अशा समित्या स्थापन करण्यात आल्या, म ग्रा रो ह योजना कृती आराखडा व जलजीवन मिशन यावर या सभेत सविस्तर चर्चा करण्यात आली.
कोरोना नियम अटी शर्तीचे पालन करीत ही ग्रामसभा खेळीमेळीचा वातावरण पार पडली शेवटी उपस्थितीतांचे ग्रामसेवक बी बी कुंभार यांनी आभार मानले.
