नळदुर्ग , दि १ विलास येडगे
नळदुर्ग हे ऐतिहासिक शहर असुन निजामाच्या कारकीर्दित१८६०-१९०४पर्यन्त नळदुर्ग हे जिल्ह्याचे ठिकाण होते,त्यानंतर१९०४-०५ पर्यंत तालुका होता. त्यानंतर तूळजापुर तालुक्याची निर्मिती झाली,
तुळजापुर तालुक्याचे मुन्सिफ़ कोर्ट १९०९-१९५१ पर्यंत नळदुर्ग येथेच होते,महाराष्ट्र शासनाने ज्या-ज्या वेळेस जिल्हा व तालुका पुनर्रचना समित्या स्थापन केल्या,त्या समित्यानी नळदुर्गला भेट देऊन नळदुर्ग तालुका निर्मितीच्या दृष्टीने सोई सुविधेचे व अत्यंत कमी खर्चात निर्मिती होण्याचा अहवाल शासनाकडे सादर केला आहे,सध्या शहराशी निगडीत व दाखल होणारे नळदुर्ग पोलिस ठाणा हद्दीतील जवळपास १०० गावातील लोकांची गरज पाहता नळदुर्ग तालुका होणे गरजेचे आहे,शहरातील अनेक इमारती रीकाम्या अवस्थेत आहेत,त्याचा कार्यालय म्हणुन उपयोग केला जाऊ शकतो,संकल्पित नळदुर्ग तालुक्याचा २१ पानी अहवाल महाराष्ट्र नवनिर्माण सेनेने जिल्हाधिकारी यांच्या मार्फ़त राज्याचे मुख्यमंत्री यांच्याकड़े सादर केला आहे
,या अहवालामध्ये म्हटले आहे की,संकल्पित नळदुर्ग तालुक्याचा नकाशा,प्राथमिक माहिती,ऐतिहासिक पार्श्वभुमि, प्रसिद्ध देवस्थाने,भौगोलिक क्षेत्रफळ, लोकसंख्या, सोयी-सुविधा, सुविधेचा अभाव,उद्योग-धंदे, नगरपालिका, ग्रामपंचायत,ग्रुप ग्रामपंचायती, विविध समित्याचा अहवाल,तालुका कार्यालयासाठी उपलब्ध इमारती व जागा, याची माहिती सादर केली आहे,अहवालामध्ये दिलेल्या निवेदनावर मनसेचे जिल्हाध्यक्ष प्रशांत नवगिरे, जिल्हा सचिव ज्योतिबा येडगे,जिल्हा उपाध्यक्ष महेश जाधव, तालुका अध्यक्ष मल्लिकार्जुन कुंभार,जनहित कक्ष व विधि वि. ता.अध्यक्ष ऍड. मतीन बाडेवाले,शहराध्यक्ष अलिम शेख,शहर सरचिटणीस प्रमोद कुलकर्णी,शहर उपाध्यक्ष रमेश घोड़के, शहर संघटक रवी राठोड यांच्या स्वाक्षऱ्या आहेत.