लोहारा , दि . १४ :
लोहारा तालुका विधी सेवा समिती,पंचायत समिती लोहारा,निवासी दिव्यांग शाळा,सास्तूर,नगर पंचायत,लोहारा व श्री शांतेश्वर दिव्यांग व्यावसायिक प्रशिक्षण केंद्र,सास्तूर यांच्या संयुक्त विद्यमाने सास्तूर रयत बाजारात आझादी का अमृतमहोत्सवा निमित्त दि. २ आक्टोबर ते १४ नोव्हेंबर या कालावधीत सबंध तालुकाभर विविध जनजागरण कार्यक्रमांचे आयोजन करण्यात आले आहे.
या कार्यक्रमाचा भाग म्हणून दि. १३ आक्टोबर २०२१ रोजी सायंकाळी ५ वाजता सास्तूर येथील रयतू बाजारात येथील निवासी दिव्यांग शाळा व श्री शांतेश्वर दिव्यांग व्यावसायिक प्रशिक्षण केंद्र,सास्तूरच्या दिव्यांग विद्यार्थ्यांनी 'बालमजूरी निर्मूलन' विषयावर आपल्या अभिनयाच्या माध्यमातून उपस्थित नागरिकांना बालमजूरी या समस्येचे महत्व पटवून दिले. या पथनाट्यामध्ये प्रमुख भूमिकेत असलेल्या गौरव करदोरे, गायत्री सुर्यवंशी,राधिका मरे,भाग्येश इस्लामपूरे,महेश पवार या दिव्यांग कलाकारांनी आपल्या कसदार अभिनयाच्या माध्यमातून उपस्थित प्रेक्षकांच्या मनावर अमीट अशी छाप पाडली.
तसेच सहकलाकार प्रज्वल सुतार, कु.सुमित्रा सोमवंशी, कु.नागीण सोलापूरे, संदेश सोनकांबळे,सुर्या शिंदे यांनीही दर्जेदार अभिनयाने प्रेक्षकांची मने जिंकली.सदर कार्यक्रमासाठी सदर कार्यक्रमासाठी ग्रामपंचायत सदस्य श्रीधर माने,सामाजिक कार्यकर्ते रमेश भुरे,बाबूराव सुतार, ज्ञानेश्वर कोळी,विठ्ठल शेळगे, श्री शांतेश्वर दिव्यांग व्यावसायिक प्रशिक्षण केंद्र,सास्तूर चे प्राचार्य बी.एम.बालवाड,निवासी दिव्यांग शाळेचे मुख्याध्यापक बी.टी.नादरगे आदींची उपस्थिती लाभली होती. याप्रसंगी पर्यावरण संवर्धना संदर्भात कु.दिपाली घोसले, कु.सोनाली बेळे, कु.स्वप्नाली पूजारी या दिव्यांग विद्यार्थिनींनी सुरेख सादरीकरणातून स्वच्छतेचे व पर्यावरणाचे महत्त्व पटवून दिले. सदर दोन्ही पथनाट्याचे दिग्दर्शन व संगीत श्री.प्रविण वाघमोडे यांनी केले. तबला साथ अनिल लोहार यांनी केली. वेशभूषा शंकरबावा गिरी, प्रयागताई पवळे, श्रीमती सुनिता कज्जेवाड यांनी केली. श्री.ज्ञानोबा माने,दगडू सगर,निशांत सावंत यांनी कार्यक्रमाच्या यशस्वीतेसाठी परिश्रम घेतले. कार्यक्रमाचे प्रास्ताविक, व आभार निवासी दिव्यांग शाळेचे मुख्याध्यापक बी.टी.नादरगे यांनी केले. सूत्रसंचालन प्रविण वाघमोडे यांनी केले.कार्यक्रमासाठी सास्तूर व परिसरातील नागरिक मोठ्या संख्येने उपस्थित होते.
