तुळजापूर , दि .१३
तुळजापूर येथे दिवाळी सुट्टीत बालकानी एकत्रित येऊन येथील माऊली लॉजच्या मोकळ्या जागेत हुबेहूब अतिशय सुंदर शिवनेरी किल्ल्याची प्रतिकृती साकारली आहे.
महाराष्ट्राला एक गौरवशाली इतिहास आहे. यामुळे गड,किल्ले यांना अनन्यसाधारण महत्त्व आहे. दिवाळीतील किल्ले बनवण्याची परंपरा ही आपल्या पुर्वजांनी आपला गौरवशाली इतिहास लहान चिमुकल्यांनी अभ्यासावा या करिता निर्माण केलेली आहे.
येथील सायली अतुल फंड, जानवी अतुल फंड, सुष्मिता आशिष फंड, शिवम आशिष फंड, कृष्णा आशिष फंड या चिमुकल्यांनी एकत्र येऊन परिश्रम घेत अतिशय सुंदर शिवनेरी किल्ल्याची प्रतिकृती साकारली आहे. या किल्ल्याच्या मध्यभागी छत्रपती शिवाजी महाराजांची प्रतिकृती ठेवण्यात आली असून, किल्यात मावळे, प्राणी ,शामियाना, तटबंदी, दरवाजा, तोफगोळे,पणत्यांची आरास, बुरुजांची आकर्षक मांडणी केली आहे. या कलाकृती बद्दल बालकलाकारांचे कौतुक केले जात आहे.
