तुळजापूर , दि . १९ :
महाराष्ट्राची कुलस्वामिनी श्री .तुळजाभवानी देवीस नाशिक येथील एका महिला देवी भक्ताने तीन तोळे सोन्याचे लक्ष्मीहार, कानातले, मनी मंगळसूत्र व नथ अर्पण केली. यावेळी मंदीर संस्थानच्या वतीने भाविकांचा सत्कार करण्यात आला .
नाशिक येथिल राहणा-या मनीषा अनिल वाळुंज या महिला देवी भक्ताचे नाव आहे. शनिवार दि.१८ डिसेंबर रोजी श्री . तुळजाभवानी देविस लक्ष्मीहार व इतर सोन्याचे दागिने अर्पण करण्यात आले. मंदिर संस्थानच्या वतीने देवीभक्त मनीषा अनिल वाळुंज यांचा धार्मिक व्यवस्थापक नागेश शितोळे यांनी मातेची साडी, प्रसाद, फोटो व श्रीफळ देऊन सत्कार केला. यावेळी पुजारी सौरभ छत्रे यांच्यासह विश्वास कदम, शंकर शिंदे, रवी गायकवाड, सत्यजित वाघे आदी मंदिर संस्थानचे कर्मचारी उपस्थित होते.
.
