मंगळवेढा , दि . ०४
मंगळवेढा तालुका पत्रकार संघाच्या वतीने सालाबाद प्रमाणे देण्यात येणारा पुरस्कार तानाजी चौगुले यांना जाहीर करण्यात आल्याची माहिती पत्रकार संघाचे अध्यक्ष समाधान फुगारे यांनी दिली. या पुरस्काराचे वितरण 6 जानेवारी रोजी सकाळी 10 वाजता पत्रकार भवन मंगळवेढा येथे मान्यवरांच्या हस्ते देण्यात येणार आहे.
पत्रकार तानाजी चौगुले यांना पुरस्कार मिळाल्याने आमदार प्रशांत परिचारक, आमदार समाधान आवताडे, आमदार गोपीचंद पडळकर, डिजिटल मीडिया संपादक पत्रकार संघटनेचे संस्थापक अध्यक्ष राजा माने तालुक्याचे नेते बबनराव आवताडे' विठ्ठल कारखान्याचे चेअरमन भगीरथ भालके, मंगळवेढा तालुका पत्रकार संघाचे संस्थापक अध्यक्ष दिगंबर भगरे, नंदकुमार पवार, शिवाजीराव काळुंगे यांच्यासह सामाजिक शैक्षणिक क्षेत्रातील विविध मान्यवर त्यांचे आभिनंदन केले. गेल्या आठ वर्षापासून तानाजी चौगुले यांनी स्वतःची वेबसाइट चालू करून या भागातील घडामोडी जनतेपर्यंत पोहोचवण्याचे काम केले आहे. त्यांनी युट्युब चॅनेल सुरू करून विविध समस्यावर प्रकाशझोत टाकले आहे. यापुर्वी त्यांनी पत्रकारितेच्या माध्यमातून मंगळवेढा तालुक्यातील विविध प्रश्न मांडण्याचा प्रयत्न केला आहे. याबरोबरच तालुक्यातील पाणी विषयावर लिखाण करून शासन दरबारी या भागातील हा पाणीप्रश्न शासनाच्या लक्षात आणून देण्याचे काम त्यांनी केले आहे .
