तामलवाडी:- दि. ०४
येथील सरस्वती विद्यालय व उच्च माध्यमिक विद्यालय तामलवाडी ता . तुळजापूर या शाळेत ज्ञानज्योती सावित्रीबाई फुले यांची जयंती महिला मुक्ती दिन हा बालिका दिन म्हणून साजरा करण्यात आला. या दिनाचे औचित्य साधून मेंदूज्वरावर मात करण्यासाठी आरोग्य विभागाच्या वतीने दहा ते पंधरा वर्षे वयोगटाच्या विद्यार्थ्यासाठी जापनीज इंसेफेलाईटिस या लसीचे लसीकरण करण्यातआले . .
या कार्यक्रमाच्या अध्यक्षस्थानी त्र्यंबकेश्वर बहुउद्देशीय शिक्षण प्रसारक मंडळाचे अध्यक्ष बसवणप्पा मसुते तर प्रमुख पाहुणे म्हणुन प्राचार्य सुभाष जाधव ,पर्यवेक्षक गणेश हलकरे हे होते. कार्यक्रमाच्या प्रारंभी ज्ञानज्योती सावित्रीबाई फुले यांच्या जयंतीनिमित्त प्रमुख पाहुण्यांच्या व महिलांच्या हस्ते प्रतिमेचे पूजन करण्यात आले. तर सामाजिक अंतर ठेवून प्राथमिक आरोग्य उपकेंद्र तामलवाडी येथील समुदाय आरोग्य अधिकारी डॉ. श्रीमती शुभांगी जळकोटे यांनी मेंदू ज्वरावरील लसीकरण या कार्यक्रमाविषयी सविस्तर माहिती दिली .
यावेळी डॉ. शिवाजी देवकर ,आरोग्य सेविका श्रीमती संगीता चव्हाण, शितल वाडकर, भारत माळी, डूरे पाटील ,संध्याराणी बदाले, जामाबाई करंडे आशा कार्यकर्ती अनिता लोखंडे ,सपना शिंदे, सविता रणसुरे यांच्यासह ज्येष्ठ शिक्षक औदुंबर माडजे ,चंद्रकांत साळुंखे , चांगदेव सावळे, प्रभाकर जाधव ,शिवकुमार सिताफळे, सुहास वडणे ,महादेव मसुते, महादेव माळी , लक्ष्मण पाटील, विनोद कुंभार , प्रशांत चुंगे , बालाजी साठे , गिरीश जाधव ,योगेश राऊत, गणेश स्वामी ,बालाजी रणसुरे, दत्तू कोकरे ,सुनील पाटील, महिला शिक्षिका श्रीमती शाहिदा पिरजादे , मनिषा गिरे, मनीषा सावंत ,विठाबाई पाटील आदी उपस्थित होते. शिक्षक चंद्रकांत साळुंखे यांनी सूत्रसंचालन केले .
