जळकोट , दि . ८ :
तुळजापूर तालुक्यातील जळकोट येथे सरपंच अशोकराव पाटील, जिल्हा परिषद सदस्य प्रकाश चव्हाण व सर्व ग्रामपंचायत सदस्य यांच्या संयुक्त विद्यमाने, मकर संक्रांती निमित्त हळदी कुंकू समारंभ आयोजित करण्यात आला.
कार्यक्रमाच्या सुरुवातीला गानकोकीळा, स्वरसम्राज्ञी, भारतरत्न लता ( दिदी ) मंगेशकर यांना भावपूर्ण श्रद्धांजली अर्पण करण्यात आली.
त्यानतंर उपस्थित महिलांना हळदीकुंकू व तीळगुळ वाटप करून मकर संक्रातीचे वाण देवून संक्रांतीच्या शुभेच्छा देण्यात आल्या.यावेळी पंचायत समितीच्या सभापती रेणुका इंगोले, माजी उपसभापती सुनीता पाटील, आलियाबादच्या सरपंच ज्योतीका चव्हाण, उपसरपंच श्रीदेवी कवठे, ग्रा. पं. सदस्या दिपा कदम, जयश्री भोगे, सुरेखा माळगे, राजश्री कागे, अंजली छत्रे, तसेच अश्विनी नवगिरे, सुलभा कदम,संगीता साखरे, संगीता लोखंडे, सुनंदा कदम, वैजयंती मोरे,शितल कदम, कविता सुरवसे,अलका हिंडोळे, सविता कदम ,मिरा चव्हाण,मोताबाई राठोड, यांच्या सह महिला मोठ्या संख्येने उपस्थित होत्या. या कार्यक्रमा दरम्यान सौ . वर्षाराणी कुदळे यांच्या मराठी भावगीते व हिंदी सदाबहार गाण्यांच्या गीत गायनाचा सुरेख कार्यक्रम आयोजित करण्यात आला होता.
हा संपूर्ण कार्यक्रम यशस्वी करण्यासाठी
मनसेचे जिल्हाध्यक्ष तथा ग्रा.प. सदस्य प्रशांत नवगिरे , प्रा . गजेंद्र कदम, राष्ट्रवादी काँग्रेसचे महेश कदम, शिवसेनेचे कृष्णात मोरे, ग्रा.प.सदस्य , जीवन कुंभार, अंकुश लोखंडे,कल्यानी साखरे, नामदेव कागे, अनिल छत्रे, पिंटू चुंगे,विठू कदम,शंकर वाडीकर,जितू कदम, सोसायटीचे चेअरमन राजू पाटील, बसवराज कवठे, विजाप्पा यादगौडा,सुनील माने ,लोकु राठोड,शकील मुलानी आदींनी परिश्रम घेतले.
कार्यक्रमाचे सूत्रसंचालन भैरवनाथ कानडे यांनी केले तर आभार बबन मोरे यांनी मानले. या कार्यक्रमाचे महिलांमधुन प्रचंड कौतुक केले जात आहे .
