पहिल्या टप्यातील १४३ लाभार्थीना ३ हजार प्रमाणे ४ लाख २९ हजार रु केले वितरीत,पालिकेला प्रोत्साहन अनुदान वितरीत करण्यास मनसेने भाग पाडल
नळदुर्ग , दि . ११ : महाराष्ट्र नवनिर्माण सेनेच्या वतीने गेल्या दीड-दोन वर्षापासून नगर पालिकेकड़े स्वच्छ महाराष्ट्र अभियान अंतर्गत शौचालय योजनेतील लाभार्थीना प्रोत्साहनपर तीन हजार रुपयेचा हप्ता द्यावा, ही मागणी लावून धरली होती,त्या मागणीची दखल घेत पालिकेने शौचालय बांधकाम पूर्ण झालेल्या या योजनेतील लाभार्थीना प्रोत्साहनपर अनुदानाचा लाभ घेण्यासाठी अर्ज सादर करावेत अशी जाहिर सूचनाच काढली,त्यानंतर मनसेच्या पदाधिका-यांनी स्वतः जातीने लक्ष घालत,जवळपास ८००छापील अर्ज वाटप केले,व जो पर्यंत लाभार्थ्याच्या बँक खात्यावर अनुदानाची रक्कम जमा होत नाही, तो पर्यंत संबधित अधिका-यांशी जिल्हा सचिव ज्योतिबा येडगे,शहराध्यक्ष अलिम शेख,शहर सरचिटणीस प्रमोद कुलकर्णी यांनी संपर्क साधत पाठपुरावा सुरुच ठेवला,अखेर त्या सर्व प्रयत्नाला यश मिळाले असून शौचालय योजनेतील पहिल्या टप्यातील १४३ लाभार्थीच्या बँक खात्यावर पालिकेने प्रोत्साहनपर ३ हजार रुपये अनुदान जमा केले आहे,म्हणजेच पालिकेने एकूण ४ लाख २९ हजार रु या योजनेतील लाभार्थीना वितरीत केले आहे.
महाराष्ट्र नवनिर्माण सेनेने पालिकेचे मुख्याधिकारी, कार्यालयीन अधीक्षक लक्ष्मण कुंभार,लिपिक सूरज गायकवाड या सर्वांचे आभार मानले आहे.
