तुळजापूर , दि . १३
महाराष्ट्र राज्य जुनी पेंशन संघटना महिला आघाडीने आयोजित केलेल्या महिला सन्मान सोहळ्यात तुळजापूर तालुक्यातील शिक्षण, सामाजिक व आरोग्य क्षेत्रात उल्लेखनीय कार्य केलेल्या महिलांचा जिल्हा परिषद अध्यक्षा सौ. अस्मिता कांबळे, तुळजापूर पंचायत समिती सभापती सौ. रेणूका इंगोले, तुळजापूर उपविभागीय पोलीस अधिकारी डॉ. सई भोरे-पाटील यांच्या हस्ते सन्मान करण्यात आला.
दि.1 नोव्हेंबर 2005 नंतर शासकीय सेवेत रुजु झालेल्या कर्मचाऱ्यांना शासनाने जुनी पेंशन योजना नाकारली. त्यामुळे अस्तित्वात आलेल्या जुनी पेंशन संघटनेची तुळजापूर तालुक्यात महिला आघाडी कार्यरत आहे . जगतिक महिला दिनानिमित्त नाविन्यपूर्ण कार्य करणाऱ्या महिला कर्मचारी यांचा सन्मान करण्यासाठी संघटनेने सन्मान सोहळा आयोजित केला होता. या सन्मान सोहळ्याबाबत जि प अध्यक्षा सौ. अस्मिता कांबळे यानी महिलांनी महिलांसाठी महिलांकरवी केलेला सन्मान सोहळा अशा शब्दात गौरव केला.
या सन्मान सोहळ्यात पी.एच. डी. प्राप्त श्रीम. डोलारे रंजना, तसेच पी.एच.डी. साठी निवड झालेल्या श्रीम. दुधगी सीमा ,श्रीम जयमाला वटणे यांचा सन्मान करण्यात आला, याच कार्यक्रमात कोविड काळात उत्कृष्ट योगदान दिलेल्या अधिपरिचारिका सौ. शोभा केवटे, तसेच ए.एन.एम श्रीम.अंधारे , श्रीम. भालेराव यांचाही सन्मान करण्यात आला .संघटनात्मक कार्यात योगदान दिल्याबद्दल कळंब तालुका महिला आघाडी प्रमुख श्रीम. मुक्ता ढासाळकर, उस्मानाबाद तालुका महिला आघाडी प्रमुख श्रीम.धुमाळ , साहित्यिका श्रीम. मनीषा क्षीरसागर, श्रीम. शेख यांचा तसेच शिक्षण क्षेत्रात उत्तम योगदान देत असल्याबद्दल श्रीम. तांबे संकल्पना, श्रीम. कानडे स्वाती, श्रीम. जोगदंड अश्विनी, श्रीम.सुषमा सांगळे, श्रीम. शुभदा कुलकर्णी, श्रीम. सरिता चुंगे, श्रीम. श्रीदेवी कोळसुरे, श्रीम. नंदा सूर्यवंशी, श्रीम. उषा मुरमुरे, श्रीम. रेखा शिंदे, श्रीम. वंदना वाघमारे, श्रीम. भरती तुपेरे, श्रीम.अश्विनी काळदाते यांचा व क्रीडा क्षेत्रात प्रशिक्षक म्हणून उत्तम कार्य करणाऱ्या श्रीम. कांता राऊतगोळ यांचा ही सन्मान करण्यात आला. कार्यक्रमाचे सूत्रसंचालन श्रीम. शामल सगर यांनी तर आभार श्रीम.सीमा दुधगी यांनी मानले.
