तुळजापूर ,दि . २० :
तुळजापूर तालुक्यातील जि.प.प्रा.शाळा, वडाचा तांडा येथे मंगळवारी शाळापूर्व तयारी मेळाव्यानिमित्त प्रथमत: गावामध्ये शाळा प्रवेश दिंडीसह ढोल-ताशाच्या गजरामध्ये घोषणा देत प्रभात फेरी काढून वातावरण निर्मिती व पालकांचे प्रबोधन, तसेच शाळा पूर्व तयारी मेळाव्यास उपस्थित राहण्याचे आवाहन करण्यात आले.
कार्यक्रमाच्या सुरुवातीला आद्य शिक्षिका सावित्रीबाई फुले यांच्या प्रतिमेचे पूजन करण्यात आले. त्यानंतर इयत्ता पहिली प्रवेश पात्र विद्यार्थी व पालकांचे पुष्पगुच्छ देऊन स्वागत करण्यात आले. या कार्यक्रमाचे प्रास्ताविक मुख्याध्यापक भोसले बालाजी यांनी केले. त्यानंतर इयत्ता पहिली प्रवेश पात्र विद्यार्थ्यांना देण्यात येणाऱ्या किट बद्दल प्रात्यक्षिकासह इत्यंभूत माहिती कदम यांनी दिली व पालकांनी प्रवेश पात्र विद्यार्थ्यांची परिपूर्ण तयारी करून घेण्याचे आवाहन केले.
शेवटी अल्पोपहार व खाऊ वाटप करून कार्यक्रमाची सांगता करण्यात आली. या कार्यक्रमाचे सूत्रसंचालन आबासाहेब गंगथडे यांनी केले. या कार्यक्रमासाठी केंद्रप्रमुख अंगुले व जळकोट बीटचे शिक्षण विस्तार अधिकारी सर्जे यांचे मार्गदर्शन लाभले. यावेळी सरपंच सौ. विजया चव्हाण,उपसरपंच निमबाई राठोड, शा. व्य.स. अध्यक्ष जयराम राठोड, उपाध्यक्ष , गोविंद राठोड, ग्रा. पं. सदस्य लखन चव्हाण, सौ चांगुणा चव्हाण, सौ बबिता चव्हाण,अंगणवाडी सेविका सौ.सुर्यवंशी, शिक्षण प्रेमी सुनील जाधव,विकास चव्हाण,विजय चव्हाण,बापूराव राठोड,खेमा चव्हाण,गणेश चव्हाण,पृथ्वीराज चव्हाण आदीसह पालक उपस्थित होते.
