वागदरी , दि.२९ :एस.के.गायकवाड
शालेय मुलीनी समाजात भयमुक्त व स्वाभिमानी जीवन जागवे आणि भरपूर मेहनत करून प्रामाणिक पणे आभ्यास करून जीवनात मोठे यश संपादन करून आपले व आपल्या आईवडीलाचे नाव मोठ करावे असे प्रतिपादन नळदूर्ग पोलीस ठाण्याचे सहाय्यक पोलिस निरीक्षक सिध्देश्वर गोरे यांनी केले.
तुळजापूर तालुक्यातील जळकोट येथील जिल्हा परिषद प्रशाला येथे नव्याने स्थापन करण्यात आलेल्या पोलीस पिंक पथकाच्या वत्तीने शालेय मुलीसाठी कार्यक्रमाचे आयोजन करण्यात आले होते . कार्यकमाच्या सुरवातीस शाळेच्या वतीने शाळेचे मुख्यध्यापक जाधवर यांनी सहाय्यक पोलिस निरिक्षक सिध्देश्वर गोरे,पोलीस उपनिरिक्षक रमेश बनसोडे, पोलीस कॉंन्सटेबल मुंडे , पोलीस कॉ .जाधव ,यांचा स्वागतपर सत्कार केला.
पुढे बोलताना म्हणाले की मुलीनो तुम्हाला जर गावातुन रस्त्यांनी किंवा परगावाहून गाडीतुन प्रवास करत असताना गावातील टवाळखोर मुलाकडून त्रास होत असेल किंवा तुमची कोणी छेड काढत असेल तर घाबरून जावू नका पिंक पथक आणि मी कायम आपले संरक्षण करण्यासाठी कटिबध्द अहोत. आम्ही प्रत्येक शाळेत महाविदयालयात आम्ही एक फलक लावणार आहोत. त्यावर आमचा संर्पक नंबर असणार आहे. तेंव्हा आपणास कसलीही अडचण आल्यास तात्काळ निसंकोचपणे आमच्याशी संवाद साधावा असे मुलीना अवाहन केले.
यावेळी पिंक पथकातील पी.एस.आय. रमेश बनसोडे यांनीही मुलीना सविस्तर माहिला विषयक कायदया संदर्भात मार्गदर्शत केले व बॅड टच संदर्भातही सविस्तर पणे माहीती सांगितली व संपूर्ण उस्मानाबाद जिल्ह्यामधे आपल्या जिल्ह्यचे पोलीस अधिक्षक अतुल कूलकर्णी यांच्या मार्गदर्शनाखाली व या पथकांच्या प्रमुख डॉ. सई भोर पाटील यांच्या वत्तीने हे अभियान राबविण्यात येणार असल्याचे सागितले. हा स्तूत्य उपक्रम उस्मानाबाद पोलीस दल राबवित आहे.
