वागदरी , दि. २९:
जिल्हा परीषद व खासगी शिक्षण संस्थेच्या प्रत्येक प्राथमिक व माध्यमिक शाळेत दररोज सकाळी परिपाटच्या वेळी भारतीय संविधानाच्या प्रास्ताविकेचे वाचन व्हावे आशी मागणी नळदुर्ग येथील सम्राट सेवाभावी सामाजिक विकास संस्थेच्या वतीने करण्यात आली आहे.
जि.प.केंद्रीय प्राथमिक शाळा नळदुर्ग येथे शिक्षण विस्तार अधिकारी श्रीमती राऊत याना सम्राट सेवाभावी सामाजिक विकास संस्थेच्या वतीने सदर मागणीचे निवेदन देण्यात आले. निवेदनात म्हटले आहे की, तथकालीन शिक्षण मंत्री वर्षा गायकवाड यांनी प्रत्येक शाळेत दररोज सकाळी प्रार्थनेच्या वेळी संविधानाच्या प्रास्ताविकेचे वाचन करण्याचे जी.आर.पारीत केले आहे. प्रत्येक शाळेत याची अमलबजावणी होतेच असे नाही.तरी वरीष्ठाधिकाऱ्यानी याकडे लक्ष केंद्रित करून प्रत्येक शाळेत संविधानाच्या प्रास्ताविकेचे वाचन झालेच पाहिजे याची दक्षता घ्यावी. अन्यथा यासंदर्भात जनांदोलन उभे करण्याचा इशारा दिला आहे.
सम्राट संस्थेच्या वतीने देण्यात आलेल्या निवेदनावर संस्थचे संस्थापक अध्यक्ष सुर्यकांत सुरवसे, शहराध्यक्ष प्रशांत कांबळे,रिपाइं (गवई) चे तुळजापूर तालुका अध्यक्ष तथा संस्थेचे उपाध्यक्ष प्रमोद लोंढे,संस्थेचे सचिव संतोष कांबळे, कोषाध्यक्ष सुभाष कांबळे आदीच्या सह्या आहेत
