नळदुर्ग ,दि. ११
नळदुर्ग बसस्थानका समोर डॉ.बाबासाहेब आंबेडकर संविधान चौकात भारतिय घटनेचे शिल्पकार डॉ.बाबासाहेब आंबेडकर यांचा पुर्णाकृती पुतळा बसविण्याची मागणी रिपब्लिकन पार्टी आँफ इंडिया (आठवले) शहर शाखा नळदुर्गच्या वतीने निवेदनाद्वारे करण्यात आले आहे.
रिपाइं (आठवले )शाखा नळदुर्गच्या वतीने मुख्याधिकारी लक्ष्मण कुंभार याना एक लेखी निवेदन देण्यात आले असून त्यात म्हटले आहे की, ऐतिहासिक,सामाजिक, सांस्कृतिक, शैक्षणिक, राजकीय परिवर्तनवादी विचारांचा वारसा असलेल्या नळदुर्ग या ऐतिहासिक शहरात भावी पिढीला प्रेरणा मिळावी या उदात्त द्यष्टीकोणातून नळदुर्ग येथे डॉ बाबासाहेब आंबेडकर यांचा पुतळा बसविने ही काळाची गरज आहे.
यावेळी जिल्हा सरचिटणीस तानाजी कदम,जिल्हा उपाध्यक्ष बाबासाहेब बनसोडे,जिल्हा सचिव एस.के.गायकवाड, अल्पसंख्याक आघाडी तालुका अध्यक्ष बाशिदभाई कुरेशी,शहर सरचिटणीस उत्तम डावरे,शहर कार्याध्यक्ष महादेव कांबळे, शहर उपाध्यक्ष दत्ता सुरवसे, माजी नगरसेवक किशोर बनसोडे, मैनोदिन इनामदार, गोरख कांबळे,सह कार्यकर्ते उपस्थित होते.
