अणदुर ,दि. २३:
तीर्थक्षेत्र तुळजापूर येथे २ फेब्रुवारी रोजी होणाऱ्या जागर भक्तीचा या महा सत्संग कार्यक्रमाच्या प्रचार आणि प्रसार करण्यासाठी तालुक्यातील फुलवाडी, वागदरी, येवती येथे ब्रह्मचारी ज्ञानेश्वर स्वामीजी यांच्या मार्गदर्शनाखाली पदयात्रा, गुरुपूजा व सत्संग घेण्यात आले यावेळी मोठ्या प्रमाणावर वारकरी,महिला पुरुष नागरिकांनी उपस्थित होती.
जगाला शांतीचा संदेश देणारे अध्यात्मिक संत गुरुदेव श्री श्री रविशंकर जी यांच्या उपस्थित तुळजापूर येथे २ फेब्रुवारी रोजी जागर भक्तीचा या कार्यक्रमाचे आयोजन करण्यात आले आहे.त्या निमित्ताने गावोगावी प्रचार आणि प्रसार करण्यासाठी पदयात्रा, पूजा व सत्संगाचे आयोजन करण्यात येत असून यास लोकांचा उस्फुर्त प्रतिसाद मिळत आहे.
संपूर्ण देशात भक्तीकी लेहर अंतर्गत विविध धार्मिक कार्यक्रमाचे आयोजन आर्ट ऑफ लिव्हिंग परिवाराच्या वतीने करण्यात आले आहे. याचाच भाग म्हणून दि.२ फेब्रुवारी वार गुरुवार रोजी सायंकाळी ६ वाजता कुलस्वामिनी आई तुळजाभवानीच्या पदस्पर्शाने पावन झालेल्या तुळजापूर नगरीत परम पूज्य गुरुदेव श्री श्री रविशंकर जी यांच्या उपस्थितीत जागर भक्तीचा हा महासत्संगाचा कार्यक्रम नळदुर्ग रोड वरील सैनिकी शाळेच्या मैदानावर संपन्न होणार आहे.यावेळी गुरुदेवांच्या सहवास आपण सर्वांना जागर भक्तीचा या धार्मिक कार्यक्रमात सहभागी होण्याची संधी मिळणार आहे.
व्यक्ती विकास केंद्र बेंगलोर यांच्या माध्यमातून जगातील १८० पेक्षा अधिक देशात पूज्य गुरुदेवांच्या माध्यमातून धार्मिक,सामाजिक व शैक्षणिक कार्य मोठ्या प्रमाणावर चालू आहे.हिंदू धर्माची चालत आलेली गुरू परंपरा पुढे घेऊन जाण्याचे कार्य गुरुदेवांच्या माध्यमातून जगात चालू आहे. महाराष्ट्र ही संतांची भूमी आहे.
तुळजापूरच्या पवित्र आशा मातीत छत्रपती शिवाजी महाराज यांना स्वराज्य रक्षणासाठी प्रेरणा व आशीर्वाद देणारी आई कुलस्वामिनी तुळजाभवानी मातेच्या दरबारी जागर भक्तीचा हा महा सत्संगाचा कार्यक्रम होत आहे.
जागर भक्तीचा या कार्यक्रमाच्या माध्यमातून पवित्र असलेल्या तुळजापूर नगरीत पुन्हा एकदा अध्यात्मिक कार्यक्रमाच्या माध्यमातून सकारात्मक शक्ती व भक्ती यांचा संगम आपणास अनुभव येणार आहे.महाराष्ट्र , कर्नाटक व तेलंगणा राज्यातील जवळपास ८० ते ९० हजार लोक या कार्यक्रमाला उपस्थित राहण्याची शक्यता आहे. त्या पद्धतीने राज्यातील विविध भागात व इतर राज्यात विविध माध्यमातून या कार्यक्रमासाठी आर्ट ऑफ लिव्हिंगचे साधक तयारी व कार्य करीत आहेत.
आई कुलस्वामिनी तुळजाभवानी मातेच्या दरबारात होणाऱ्या या कार्यक्रमाला आपण सह परिवार उपस्थित राहून जागर भक्तीचा या कार्यक्रमाचा लाभ घेण्याचे आवाहन आर्ट ऑफ लिव्हिंग परिवार महाराष्ट्र,उस्मानाबाद (धाराशिव),तुळजापूर व आर्ट ऑफ लिव्हिंग परिवारच्या वतीने जेष्ठ प्रशिक्षक डॉ जितेंद्र कानडे,लक्ष्मण नरे यांनी केले आहे.
