निवृत्त शिक्षकांमध्ये खूप मोठी ऊर्जा व अनुभव असुन त्याचा उपयोग समाज व विद्यार्थी घडवण्यासाठी करावा - डॉ. जितेंद्र कानडे
अणदूर,दि.०४
सेवानिवृत्त शिक्षकांचा सन्मान करणे ही फार मोठी गोष्ट असून ,आपल्या वडिलांच्या स्मृती जिवंत ठेवण्यासाठी गेली 7 वर्ष 13 सेवानिवृत्त शिक्षकांचा सन्मान सोहळा करून कै.दत्तात्रय अणदूरकर सामाजिक संस्थेने समाजापुढे एक आगळा वेगळा आदर्श ठेवला आहे ,सेवानिवृत्त शिक्षकांमध्ये खूप मोठी ऊर्जा व अनुभव असतो त्याचा उपयोग त्यांनी समाज व विद्यार्थी घडवण्यासाठी करावा त्यामुळे समाज आणखीन जास्त सुदृढ होईल.'असे प्रतिपादन श्री श्री गुरुकुल चे संस्थापक अध्यक्ष डॉ. जितेंद्र कानडे यांनी केले.
ते बाभळगाव येथे दत्तात्रय अणदूरकर सामाजिक संस्था आयोजित आदर्श सेवानिवृत्त सत्कार समारंभ कार्यक्रमात अध्यक्ष पदावरून बोलत होते, संस्थेच्या वतीने सेवानिवृत्त मुख्याध्यापक अशोक जाधव यांची आदर्श सेवानिवृत्त शिक्षक पदासाठी निवड करण्यात आली होती, त्यांचा संस्थेच्या वतीने शाल, फेटा, पुष्पहार, स्मृतिचिन्ह, सन्मानपत्र देऊन गौरव करण्यात आला,
या वेळी व्यासपीठावर अणदूर चे उपसरपंच डॉ. नागनाथ कुंभार,ग्राम पंचायत सदस्य बाळकृष्ण घोडके,नळदुर्ग चे माजी नगरसेवक विनायक अहंकारी,संस्थेचे अध्यक्ष, पत्रकार अजय अणदूरकर,सोसायटी चेअरमन अमर पाटील बाभळगाव च्या सरपंच कांबळे ताई आदी मान्यवर उपस्थित होते,या वेळी डॉ. नागनाथ कुंभार, विनायक अहंकारी, सत्कार मूर्ती अशोक जाधव यांची भाषणे झाली, कार्यक्रमाचे प्रास्ताविक संस्थेच्या सचिव सीमा जोशी यांनी केले तर सूत्रसंचालन डॉ. एम. बी. बिराजदार यांनी केले तर कार्यक्रमास करबसपा धमुरे, शिवाजी कांबळे, डॉ हरिदास मुंडे, गोविंद शिंदे, जीवन मोजगे, महेश कार्ले,मल्लिकार्जुन नरे, देवदत्त पाटील, सचिन ढेपे, अजय देशपांडे, ज्ञानेश्वर केसकर, अनिल अणदूरकर,अंदूरकर कुटुंबीय, पत्रकार आदींसह नागरिक उपस्थित होते,आभार गणेश देवसिंगकर यांनी मानले
