कृषी कार्यालय, बसस्थानक , स्मशानभूमीसाठी जागेचे प्रयोजन करण्याची भाजपा शहर उपाध्यक्ष सुनील चौधरी यांची जिल्हाधिकारीकडे मागणी
नळदुर्ग, दि. ०७
नळदुर्ग शहरातील शासकीय जागेत नवीन कृषी कार्यालय, बसस्थानक तसेच स्मशानभूमीसाठी सदरील जागेचे प्रयोजन करावे अशी मागणी भाजपाचे शहर उपाध्यक्ष सुनील चौधरी यांनी जिल्हाधिकारी यांच्याकडे निवेदनाद्वारे केले आहे.
निवेदनात म्हटले आहे की नळदुर्ग नगर परिषद हद्दीतील सर्वे नंबर २३६/२ व २३६/३ शासकीय जागा असून उपजिल्हा रुग्णालय व कचरा डेपोच्या बाजूला डॉ. बाबासाहेब आंबेडकर वस्तीगृहाच्या पाठीमागे असलेली जागा कृषी उत्पन्न बाजार समिती, नवीन बसस्थानका करीता सदरील जागेची व्यवस्था करावी त्याचबरोबर भविष्याचा विचार करून नळदुर्ग शहरात तहसील कार्यालय, पंचायत समिती व न्यायालयासाठी जागा राखीव ठेवण्यात यावी. त्याचबरोबर वसंतनगर, दुर्गा नगर, इंदिरानगर, जगताप नगर, ठाकरे नगर व व्यास नगर येथील नागरिकासाठी स्मशानभूमीची अत्यंत आवश्यकता आहे, कारण नळदुर्ग शहरासाठी एकच स्मशानभूमी असून ती शहरापासून चार किलोमीटर अंतरावर आहे. त्यासाठी वाहनाची व्यवस्था नसल्याने अंत्यविधीसाठी जाण्याकरिता नागरिकांना मोठी अडचण निर्माण होत आहे. त्यामुळे जिल्हाधिकारी यांनी वरील सर्व बाबीचा विचार करून या कामांसाठी सर्वे नंबर 236 मधील शासकीय जागेचे प्रायोजन करावे अशी मागणी निवेदनात करण्यात आली आहे.
