माकणी येथे विधी सेवा चिकित्सालयाचे उदघाटन ;
दिवाणी न्यायाधीश एस. एस. कळसकर यांच्या हस्ते उदघाटन
लोहारा,दि.०८
तालुक्यातील माकणी येथे तालुका विधी सेवा समिती लोहारा यांच्या वतीने "विधी सेवा चिकित्सालयाचे" उदघाटन मान्यवरांच्या हस्ते उदघाटन करण्यात आले.
राष्ट्रीय विधी सेवा प्राधिकरण दिल्ली आणि ज़िल्हा विधी सेवा प्राधिकरण उस्मानाबाद यांच्या आदेशानुसार तालुका विधी सेवा समिती लोहारा यांच्या वतीने माकणी विधी सेवा चिकित्सालयाचे उदघाटन दिवाणी कनिष्ठस्तर न्यायाधीश एस. एस. कळसकर यांच्या हस्ते करण्यात झाले.
यावेळी प्रमुख पाहुणे सह दिवाणी कनिष्ठस्तर न्यायाधीश पी. एस. बनकर यांची प्रमुख उपस्थिती होती. यावेळी न्यायाधीश एस. एस. कळसकर यांनी विधी सेवा चिकित्सालयाबाबतचे उपस्थित नागरीकांना महत्व सांगितले. राष्ट्रीय विधी सेवा प्राधिकरण दिल्ली यांच्या कार्यक्रमाची माहिती देशातील तळागाळातील लोकांना व्हावी, विविध योजनाची अंमल बजावणी प्रभावीपणे होण्यासाठी या विधी चिकित्सालयाची स्थापना करण्यात आली असल्याचे सांगितले. तर माकणी येथील विधी चिकित्सालयाचे प्रमुख म्हणून ऍड. डी. एस. जानकर यांची नेमणूक करण्यात आली. व स्वयंसेवक म्हणून ऍड. एन. बी. मोरे यांची नेमणूक करण्यात आली. सदर विधी चिकित्सालय महिन्याच्या प्रत्येक रविवारी सकाळी ९ ते दुपारी १ वाजेपर्यंत चालू राहील. यावेळी ऍड. श्री. जानकर यांनी उपस्थितांना मार्गदर्शन केले.
यावेळी लोहारा विधिज्ञ मंडळाचे अध्यक्ष डी. बी. जाधव, ऍड. डी. एस. जानकर, ऍड. एस. बी. मार्डीकर, ऍड. पी. एस. मुसांडे, विधीज्ञ, ऍड. एम. डी. घवाळे, माकणी येथील उपसरपंच फुलचंद आळंगे, तंटामुक्ती अध्यक्ष पंडित ढोणे, ग्रामपंचायत सदस्य भास्कर ढोणे, दीपक आळंगे, गोवर्धन आलमले, सरदार मुजावर, भिमराव कांबळे, सचिन ढोणे, तसेच सामाजिक कार्यकर्ते गोपाळ राजपूत यांच्यासह ग्रामस्थ उपस्थित होते. या कार्यक्रमास माकणी येथील गावातील नागरिकानी सहभाग नोंदवून कार्यक्रम यशस्वी केला. कार्यक्रमाचे प्रास्ताविक ऍड. श्री. मार्डीकर यांनी केले. तर आभार ऍड. श्री. मुसांडे यांनी मानले.