भटक्या विमुक्त पालावरील मुलांना अजिंक्य संस्थे तर्फे शौक्षणिक साहित्य वाटप ; विधान परिषद सभापती प्रा राम शिंदे  यांच्या वाढदिवसानिमित्त उपक्रम

नळदुर्ग,दि.२९ :

भटक्या  समाज बांधवांना एकत्रित करून त्यांच्या मुलांना शिक्षणाच्या मुख्य प्रवाहात आणण्याचे प्रयत्न सुरू असल्याचे भटक्या विमुक्त पालावरील मुलांना शौक्षणिक साहित्य वाटप प्रसंगी राम जवान यांनी सांगितले.

अजिंक्य बहुउद्देशीय सेवाभावी सामाजिक संस्था खडकी या संस्थेच्या वतीने पुण्यश्लोक अहिल्यादेवी होळकर यांचे माहेरकडील वंशज व महाराष्ट्र विधानपरिषद सभापती प्रा. राम शिंदे  यांच्या वाढदिवसानिमित्त नळदुर्ग येथील भटके विमुक्त विकास परिषद मार्फत चालविण्यात येणाऱ्या पालावरची शाळा या शाळेस अजिंक्य संस्थेच्या वतीने शाळेस टेबल खुर्ची ब्लॅकबोर्ड (फळा) व लहान मुलांना वही पेन पेन्सिल पाटी व इतर शैक्षणिक साहित्य देण्यात आले.

यावेळी संस्थेचे सचिव राम जवान बोलताना म्हणाले की, भटके विमुक्त विकास परिषद ही राज्यभरामध्ये भटक्या विमुक्त समाज बांधवांना एकत्रित करून त्यांच्या मुलांना शिक्षणाच्या मुख्य प्रवाहात आणत आहे. त्याचाच एक भाग म्हणून नळदुर्ग या ठिकाणी भटकी विमुक्त विकास परिषदेने पालावरची शाळा या उपक्रमांतर्गत भटकंती करणारे जे समाज बांधव आहेत. त्यांच्या मुलांना एकत्रित करून शिक्षणाचे धडे देण्याचे काम भटके विमुक्त विकास परिषद करीत आहे.

 आजही भटका विमुक्त समाज वर्षानुवर्ष आपल्या रूढी परंपरा नुसार व्यवसाय करत आहे शिक्षणाचे महत्त्व या समाजामध्ये कमी आहे.  येणाऱ्या काळामध्ये शिक्षणावर भर देऊन या मुलांना शैक्षणिक प्रवाहात आणून यांचे सामाजिक शैक्षणिक उद्योग व्यवसाय व आधुनिकीकरणाची जोड देऊन  मुलांना समाजाच्या मुख्य प्रवाहात आणण्यासाठी प्रयत्न करणार आहोत.


यावेळी भटके विमुक्त विकास परिषद या परिषदेच्या पालावरील शाळेच्या शिक्षिका मिराताई मोटे यांनी अजिंक्य बहुउद्देशीय सेवाभावी संस्था खडकी या संस्थेचे शैक्षणिक साहित्य दिल्याबद्दल व उपक्रम घेऊन मुलांना मार्गदर्शन केल्याबद्दल अजिंक्य संस्थेचे आभार मानले. यावेळी  संस्थेचे सचिव राम जवान,  शिक्षका वर्षा  सोमवंशी, तानाजी धुते, संतोष जवान, मेघराज सुरवसे आकाश धर्मे यांच्यासह भटके विमुक्त पालावरील विद्यार्थी व पालक  उपस्थित होते.
 
Top