विभागीय वाहतूक अधीक्षकाकडून,
अणदूर बस स्थानकातील स्वच्छतेची पाहणी
अणदूर दि.१४: चंद्रकांत हगलगुंडे
हिंदुरुदय सम्राट बाळासाहेब ठाकरे स्वच्छता सर्वेक्षण मोहीमे अंतर्गत श्री. युवराज कराड व त्यांचे सहकारी श्री. गोदाम यांनी अणदूर येथील बस स्थानकातील स्वच्छतेची पाहणी करून समाधान व्यक्त केले.
अणदूर हे राष्ट्रीय महामार्गावरील गर्दीचे ठिकाण असून दैनंदिन शेकडो प्रवाशांची ये जा, राष्ट्रीय बँक, प्रसिद्ध खंडोबा मंदिर, नावाजलेले शैक्षणिक संस्था व मोठी बाजारपेठ असल्यामुळे प्रवाशांचे अनेक अडचणींना तोंड द्यावे लागते. बहुतांश गाड्या या परस्पर बाहेरून जात असल्याने प्रवाशांना नाक दाबून बुक्क्याचा मार सहन करावा लागत असल्याची खंत यावेळी जिल्हा परिषदेचे माजी सभापती अँड. दीपक आलूरे यांनी व्यक्त करून संबंधितांना जाणीव करून दिली.
प्रारंभी अँड. दीपक आलूरे यांनी बीडचे विभागीय वाहतूक अधीक्षक युवराज कराड व त्यांचे सहकारी गोदाम यांचा पुष्पगुच्छ देऊन सन्मानित करण्यात आले. यावेळी शिक्षक पतसंस्थेचे चेअरमन सुनील सूर्यवंशी, वाहतूक नियंत्रक राजकुमार चव्हाण ,आयुब अत्तार, अजित वचने, खंडू व्हणाळे, बारगळ गुरुजी, सिद्धार्थ कांबळे, स्वच्छता दूत भीमा उर्फअजीबाळ गायकवाड सह प्रवासी उपस्थित होते.
