आता नागरिकांच्या तक्रारी सोडवण्यासाठी जिल्हाधिकारी कीर्ती किरण पुजार यांच्या संकल्पनेतून "जनता दरबार" होणार जिल्हा अधिकारी कार्यालयात जिल्ह्यातील नागरिकांना आवाहन

आता नागरिकांच्या तक्रारी सोडवण्यासाठी जिल्हाधिकारी कीर्ती किरण पुजार यांच्या संकल्पनेतून "जनता दरबार"  होणार जिल्हा अधिकारी कार्यालयात  जिल्ह्यातील नागरिकांना आवाहन 

धाराशिव,दि.०५ :

धाराशिव जिल्ह्यातील सर्व नागरिकांना आवाहन करण्यात येते की, नागरिकांच्या शासकीय कामकाजाबाबत अडचणी व तक्रारी सोडवण्यासाठी धाराशिव जिल्हाधिकारी कीर्ती किरण पुजार यांच्या संकल्पनेतून  "जनता दरबार" हा उपक्रम जिल्हाधिकारी कार्यालयात राबविण्यात येणार आहे.

सदर उपक्रमांतर्गत धाराशिव जिल्ह्यातील सर्व नागरिक हे जिल्हाधिकारी कार्यालयात आठवड्यातील सोमवार बुधवार व शुक्रवार रोजी कार्यालयीन कामकाजाच्या दिवशी सकाळी 11 ते दुपारी 1 या वेळेत जिल्हाधिकारी कार्यालय धाराशीव येथे उपस्थित राहून जिल्हाधिकारी  यांच्या समक्ष अडचणी व तक्रारीच्या अनुषंगाने संवाद साधू शकतात तसेच अर्ज देऊ शकता. तरी धाराशिव जिल्ह्यातील सर्व नागरिक यांनी" जनता दरबार" या उपक्रमाच्या अनुषंगाने जिल्हाधिकारी कार्यालय धाराशिव येथे शासकीय कामकाजाबाबत अडचणी व तक्रारी सोडवण्यासाठी उपस्थित राहण्याच आवहन जिल्हा प्रशासनाच्या वतीने करण्यात आले आहे.