विकृतीने पछाडलेल्या त्या आरोपीवर गुन्हा दाखल करुन अटक करण्याची महाराष्ट्र नवनिर्माण सेनेची मागणी
नळदुर्ग,दि.०८
महामार्गावरील नळदुर्ग एस.टी.बसस्थानकात शालेय, महाविद्यालयीन विद्यार्थिनीसह प्रवाशांनी गजबजलेल्या ठिकाणी, सार्वजनिक प्रवासी आसनावर बसुन विकृतीने पछाडलेल्या एका मौलवीने मोबाईलवर मोठ्या आवाजात अश्लील चित्रफित पाहात अश्लील हावभाव केल्याची घटना सर्वत्र व्हायरल झाली.याप्रकरणी महाराष्ट्र नवनिर्माण सेनेचे तुळजापूर (मनविसे) तालुका विभाग अध्यक्ष गणेश बिराजदार यांनी आरोपींविरोधात पोक्सो कायद्यानुसार गुन्हा दाखल करुन अटक करण्याची मागणी निवेदनाद्वारे नळदुर्ग पोलिस निरीक्षक यांच्याकडे दि.७ ऑगस्ट रोजी केली आहे.
निवेदनात पुढे म्हटले आहे की, सदरील हे प्रकारण पोलिसांनी गांभीर्याने घेतले नसल्याचे सांगून आरोपीला अटक सुद्धा केलेली नाही. सार्वजनिक ठिकाणी असे कृत्य करणे हे गुन्हा असुन आरोपीस अटक करावी, नळदुर्ग बसस्थानकात यापुढे अशा घटना होऊ नये याकरिता पोलिसांची गस्त वाढवावी, याप्रकरणी कठोर कारवाई न झाल्यास मनसेच्या वतीने तीव्र आंदोलन करण्याचा इशारा दिला आहे.
यावेळी गणेश बिराजदार , रामानंद रिंगणे, शंतनू धबाले,विभांशू दासकर , सोमा आलूरे ,सुयोग पाटील ,रोहित कलशेट्टी आदी उपस्थित होते.
